Yeremiya 51:34 - Mawu a Mulluku

³⁴ Nebukadinezara mwene a o Babiloni oonoononga, oonipwesa ni onitathilla wonanko epalli yoohikhalla ni mutteko. Oonimirya wonanko ekonya, oovona ddoocha ddahu ddooddiva, vatulli viwa oonirapheya.

Yeremiya 51:34 ပူးပေါင်းရင်းမြစ်များ

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 51:44

Kineeromullaka Beli, mulluku a Ababiloni, kineeromurapheyiha nnddo amiryalleeye. Mitundu dda athu kheddiwa ddiyattho wa olliye. “Mipanda dda Babiloni ddoomora!

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Yobu 20:15

Eyuuma anayimiryeeye annayirapheya, Mulluku annayikhumiha m'mirimani mwaye.

Nahumu 2:2

Vihanlle vang'ono wi Apwiya ehokollose ooriiheya wa Israele wonanko mmo wakhallelliiwa khalle, adani ehinaakhe ddeko ddittheddene ni woononga mipesa ddiwa.

Amosi 8:4

Amosi aallota wi, “Ngiiwani nndda, nyu munaanyingallella oopaneya, munapaalla owoononga oohoowa a mwiillaponimmu,

Ezekiele 36:3

Sika vano ollalleye ni waalleella wi mi Apwiya Mulluku kinallota wi, ‘Adanaanyu yuutthattusalleewani echipululu ni wuunyingallellani o embali ddittheddene ophiyera nyuwaano mwaakhalla m'mattani mwa mitundu ddimodda ddittheddene, athu yaanuullotani ni wuunyemullani.

Maliro 2:16

Adanaawo attheene yoowaatthamella enuunyindulla, enuuttheya ni okhuuriha miinwiiwa. Nave ennallota wi, “Ddawoona, noowoononga! Aha! Nna sika nllapo nanitiyerelleehu! Vano noophiya nave noonoona.”

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Yeremiya 51:49

Babiloni anaphwanella omora ekaamba ya ayo yiiphiwe o Israele wonanko mmo yamorelle athu a va ellapo yavatthi ettheene ayo yiiphiwe ni olliye. Mi Apwiya koollota.”

Yeremiya 50:7

Arive muthu aaphwanyille aawoononga. Nave adaniiwa yaanallota wi, ‘Hi kheninna mullatu ekaamba yawi alliwaalla yahaachimwella Apwiya ayo eri vookhalla viwa vawoona, ayottho makhollwiiwa yaaroromelliiwa.’

Yesaya 34:11

Mwiillaponimmo munaakhalle aneekhwaambe, anasiniku, akuukuru ni anakhuku. Apwiya eneeroyitthattusa ellapo yooguga ni yoohikhalla ni ello.

Miyambo 1:12

Hankoni naamirye eri akumi wonanko ellapo ya ookhwa. Hankoni naahopelle amututha wonanko oovuhelliwa mu mahame.

Masalimo 74:13

Mwaayikawa Enyanja Yoofiira ni masivaanyu, mwaanyenya miru dda enama ddawoopiha ddam'maaddini.

Hoseya 8:8

Aisraele aamiryiwa, aatthattuwa wonanko nikattuphe variyari va mitundu ddimodda.

Yesaya 42:22

Koma vano athu yaalla ahiiyeriwa ni waakhiwa ddeko ddiwa. Attheenaayo aamorella munllitini aavitthiwa mundende. Ahaakhiwa oohikhallavo mmodda owaavullusa, ahiiyeriwa oohikhallavo mmodda oollota wi, “Hokollosani!”