Yeremiya 51:29 - Mawu a Mulluku

²⁹ Ellapo yavatthi enimatthukumella, enimanyiphireya ekaamba ya ovoreya vawi Apwiya enakwakhwanihella nnddo Apwiya yaganizalliiwa ddoomutthattusa Babiloni echipululu, ellapo yoohikhalla ni athu.

Yeremiya 51:29 ပူးပေါင်းရင်းမြစ်များ

Yeremiya 51:43

Mizinda ddaye ddootthattuwa matepe, ellapo yawumma ni yeechipululu, ellapo yoohikhalla ni athu apaalle weetamo arive muthu.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Amosi 8:8

Ekaamba ya ddittheddenenndda, ellapo yavatthi eneerotikheya, arive muthu ookhallamo aneeromoriwa ethakaraka. Ellapo ettheene yavatthi eneerovidduwa wonanko Nailo, eneeronyaruwa ni owelleella wonanko muhinje wa o Iguputo.”

Yeremiya 50:45

Sika vano apellani maaru nnddo kikeraatthihalleemi ddoomullakella Babiloni ni nnddo kinapaalleemi weera va Ababiloni. Ddawoona, aniiwa eneerophariwa nave athu attheene eneerotathilla murima ekaamba ya otulliiwa.

Yeremiya 50:13

Khokhalla athu ekaamba ya osha murima wa Apwiya nave onaakhalle matepeve. Arive muthu oovira o Babiloni eneerottikhina ni woopa musoonyo ekaamba ya makhwata a muzindooyo.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yawuupullulla 18:2

Aakhuwa ni mawu oowella nave allota wi, “Ookumuwa! Babiloni oovuwa ookumuwa! Vano ootthattuwa nipuro nookhallamo minepa ddoonanara, enama ddawoopiha ddoonanara ddittheddene ni epallame ddoonanara.

Yowele 2:10

Ellapo yavatthi ennatikheya alliwa yaawaatamellaka. Oddullu onnatthukumella, nndduwa ni mweeri ddinnathiima, etheneeri ddinnahiya owala.

Yeremiya 50:43

Mwene a o Babiloni ohiiwa epilliiwa, masiva ammallella. Annakhupanya ni wiiwa ovoreya wonanko wa mutthiyana vooyarani.

Yesaya 14:16

Ookhwa yawoona eneerekewuuwehesesa ni waamba oganizera dda weyaano wi, “Ethiyo olla khe olle atthukumelliha ellapo yavatthi ni otikha moomwene?

Yeremiya 50:36

Nsupada nimorelle va athu awoombesa wi etthattuwe ookarangeya. Nimorellettho va akhotwaaye wi yoonongeye.

Yeremiya 50:46

Ellapo yavatthi eneerotthukumella ekaamba ya ogonja wiwa. Winlla wiwa oneerewiiweya o Enyanja Yoofiira.”

Yeremiya 51:26

Khaniivo nlluku nawo naari nimodda ninaapharihiwe mutteko monga nlluku noopaalleyesesa vawi onaakhalle wonanko echipululu wa enthawi yoohimalla. Mi Apwiya koollota.

Yeremiya 51:28

Tthukumanihani mitundu dda athu wi emuhelle ekhoto nave muwiithane mamwene o Medi, enduna ddiwa, oolamulelliiwa ni akhoto a ellapo ddittheddene anaalamulelleeye.

Yesaya 24:20

Ellapo yavatthi eneerohahareya wonanko oolezela, eneerotikheya wonanko musasa enthawi ya ephevo yawoopiha. Ellapo yavatthi yoollemelliwa ni ddoonanara ddiwa, eneeromora nave khevenyattho.

Yeremiya 51:37

Sika Babiloni aneerotthattuwa ntepe, nipuro na akhuddupa, nipuro nawoopiha ni nipuro noosoonyiha, noohikhalliwa ni arive muthu.