Yeremiya 51:27 - Mawu a Mulluku

²⁷ “Imesani embendera veellaponi nave opani nipallapata wi mitundu dda athu ddiwe. Ithanani mitundu dda athu ddittheddene wi ddimuhelle ekhoto Babiloni. Ithananittho moomwene a o Ararati, a o Mini ni o a o Ashikenazi. Mutthoolleni oohoollella ekhoto wi awane ni Babiloni. Muweena akavalo anchichi wonanko nazombe.

Yeremiya 51:27 ပူးပေါင်းရင်းမြစ်များ

Genesis 10:3

Anamwani a Gomeri yaari Ashikenazi, Rifati ni Togarima.

1 Epilli 1:6

Gomeri aamuyara Ashikenazi, Difati ni Togarima.

Genesis 8:4

nave va nllapo na 17 na mweeri waneetthanu ni miilli, echombweeyo yahiimella vaddullu va miyaango dda Ararati.

Yeremiya 51:12

Imesani embendera nave moononge mipanda dda Babiloni. Mwaallipihe ooteteza, mwaahiyevo alonda nave mukhozekelle waatthollosa.” Apwiya aaganizera nave eneereweera nnddo yallotilliiwa dda athu a o Babiloni.

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yeremiya 25:14

Alliwa enaakhalle akaporo a mitundu ddinchichi dda athu ni mamwene oovuwa. Sika kineerewaahokollosella moollikana ni ddaweera ddiwa ni mitteko dda mattiiwa.”

Yeremiya 51:14

Apwiya Amasiva Mattheene yaallupella va weekhiiwa wi, “Kineerewaaruma athu ooheerengeya wonanko nazombe wi yuuhelleni ekhoto nave eneerokhuwa moopambana.”

Yesaya 18:3

Nyu athu attheene a va ellapo yavatthi ni nyu ookeraattheya va ellapo yavattheella, voowellihiwani embendela vaddullu va mwaango muneerewoona nave vawoopiwani nipallapata muneerewiiwa.

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Yeremiya 46:23

Eneerewuuha otthako wa o Iguputo naari ophimpe, kaambiiwa athwaayo yaatille wonanko nazombe, tti ooheerengeya.

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

2 Mamwene 19:37

Nllapo nimodda avekellaka mu enyumba ya Nisiroki, mullukwaaye, anaaye eelli, Adrameleki ni Sharezere yaamwiipha ni masupadiiwa ethawella o ellapo ya Ararati. Nave Esarahadoni, mwanaye mmodda aavollowa omwene munipuroni mwaye.

Oweeruza 6:5

Yaanawa ni eng'ombe ddiwa ni misasa ddiwa. Yaanawa anchichi wonanko middope nave waari woohiworeya oweerenga athwaayo ni ekamira* ddiwa nave yaanayoononga ellapweeyo yaawaaka.

Yesaya 37:38

Nllapo nimodda avekellaka mu enyumba ya Nisiroki, mullukwaaye, anaaye eelli, Adrameleki ni Sharezere yaamwiipha ni masupadiiwa ethawella o ellapo ya Ararati. Nave Esarahadoni, mwanaye mmodda aavollowa omwene munipuroni mwaye.

Yeremiya 50:3

“Mutundu wa athu oompoto woowuhella ekhoto muzinda wa Babiloni. Ellapwaaye eneeroyitthattusa ntepe nave wenko khowa okhalla muthu apaalle enama.”

Yeremiya 50:9

Kineerotthoolla ni owaana mutundu wakhoto wamasiva wa malloko mamodda a athu oovenyera ompoto wi niwane ni Babiloni. Mipaamba ddiwa ddiri wonanko akhoto oosha murima, kheddinakusha.

Yeremiya 51:28

Tthukumanihani mitundu dda athu wi emuhelle ekhoto nave muwiithane mamwene o Medi, enduna ddiwa, oolamulelliiwa ni akhoto a ellapo ddittheddene anaalamulelleeye.

Yowele 3:9

“Llalleyani wa athu a mitundu ddittheddene wi, ‘Khozekellani ekhoto, wiithaneni akhotwaanyu amasiva, atthukumaniheni athu akhoto attheene wi yaatamelle, alleelleni wi esusellewo.