Yeremiya 51:25 - Mawu a Mulluku

²⁵ We mwaango wawoononga, we ootthollosa ellapo yavatthi ettheene, kinawiipa mullatu. Kineerottaphurusa nnatta voopalla wuullaka ni wuukakhella vatthi ovenyera o mallukwaawo nave kineerewuutthattusa mwaango woosha. Mi Apwiya koollota.

Yeremiya 51:25 ပူးပေါင်းရင်းမြစ်များ

Yawuupullulla 8:8

Nave mungelo aneepiilli ahoopattho nipallapata naye. Ello emoddeene yawooneya wonanko mwaango muullupalli yookhara munllo yaavokhelliwa mu enyanja. Emodda mwa ezigawo ddiraru dda enyanjeeyo yaatthattuwa nikhame,

Zekariya 4:7

Ethiyo we mwaango woorekama, wettho ttaani? Oneerotthattuwa nipuro noomwaramwareya vamiitthoni va Zerubabele. Nave yawaana nlluku noomalliha na va enyumbaaka, voonihiyani vaddullu, athu eneerokhuwa wi, ‘Oreera, oreera!’ ”

Yeremiya 50:31

Apwiya Mulluku Amasiva Mattheene enallota wi, “We Babiloni, kineerewuuhella ekhoto ekaamba yawi onnitukhulla vawi enthawaawo yookwakhwana, noophiya nllapo nawo na ollakiwa.

Yeremiya 51:58

Esiri dduullupalli dda Babiloni ddineeropwaramwasiwa, millako ddaye ddoorekama ddineerewoosiwa. Mitundu dda athu ddapharelle mutteko nivuddo, athu yaarimoona wiitopiha voomakani, vano ddinasha ni munllo.”

Yeremiya 51:53

Naari Babiloni iitukhulleve ophiyera oddullu, allipiha mattatthaaye, kineeromuruma awoononga wi amugonjihe. Mi Apwiya koollota.’ ”

Yesaya 13:2

Tukhullellani muddullu embendera yeekhoto mwaango wawi see ni owiithana nave wuuvelleni matta wi evollowe va millako dda enduna.

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Yeremiya 51:7

Vawi Babiloni aari wonanko kapu agolide m'mattani mwa Apwiya wi alezelihe ellapo yavatthi ettheene. Mitundu ddinchichi dda athu ddaamuwirya vinywaaye sika ekaambiiwa ddasavuwalliiwa.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Genesis 11:4

Vano yaallota wi, “Hankoni niimakelle weekhiihu muzinda ni nttattha noorekama ophiyera oddullu. Neera ddiiddo nineerovuwa wunchichi nave khanimwareyattho va ellapo yavatthi.”

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

Yeremiya 50:25

Apwiya aahulla enyumba ya ezida ddiwa nave aakhumiha ezida dda osha murima wiwa. Vawi mi Apwiya Mulluku Amasiva Mattheene kinapaalla kiphare mutteko mu ellapo ya Ababiloni.

Yeremiya 25:12

Miyakha 70 ddamalla, kineeromullaka mwene a o Babiloni ni athwaaye ekaamba ya ddoonanara ddiwa nave ellapwiiwa kineeroyitthattusa ntepe wa enthawi yoohimalla.