Yeremiya 51:20 - Mawu a Mulluku

²⁰ We Babiloni tti hamalaaka, echidaaka yakhoto. Ni weyaano kinnaphwinya mitundu dda athu, kinnawoononga mamwene.

Yeremiya 51:20 ပူးပေါင်းရင်းမြစ်များ

Mika 4:13

“We Ziyoni, amba wuuputha vawi kineerewuutthattusa amasiva wonanko manyaka amukoko, wonankottho manyallo amukuwa. Oneeronyenya mitundu ddinchichi dda athu nave nnddo yaphuralliiwa oneeroddivelleella wa Apwiya. Eyuumiiwa oneeroyivelleella wa Apwiya a ellapo yavatthi ettheene.”

Yesaya 37:26

“Koma mi Apwiya kinallota wi, ‘Ethiyo khoniiwekevo wi ddenndda kaaddisimikiza khalleve? Kaaddisimikiza mallapo akhallekhalle nave kineeroddeera ddenndda. Mi kahaakhullella wi waakumulla mizinda ddamipanda ni odditthattusa ntepe.

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Yeremiya 50:23

Ngoonani mmo aphwinyeyelle olle aari wonanko hamala a ellapo yavatthi. Ngoonani mmo Babiloni atthattuwelleeye ello yawoopopiha va mitundu dda athu.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yesaya 10:5

Apwiya enallota wi, “Otulli wa mwene a o Asiriya vawi olliye ari wonanko muwashullo wa osha murima waka ni ekopo ya owallaaka.

Yeremiya 25:11

Ellapo ettheeneella enaakhalle ntepe ni ello yoonanara. Va miyakha 70 mitundu ddenndda ddineeromurumeyella mwene a o Babiloni.

Yesaya 10:15

Koma Apwiya enallota wi, “Ethiyo kottokwa ttuuwiitukhulla omukhwaranya oyo anatthallana apaalle saha ttuuwiiriiha omukhwaranya oyo anachekella? Valle ekoonda khenamutukhulla muthu koma muthu sika anatukhulla ekoonda.”

Yesaya 13:5

Alliwa enavenyera o ellapo ddawoorekama, omamallihello wa ellapo. Sika Apwiya ni ezida ddiwa moosha murima wi yoononge ellapo yavatthi ettheene.

Yesaya 8:9

Nyu mitundu ddimodda dda athu tthukumanani mwawoova nave mutthukumelle. Nyu ellapo ddittheddene, iwesesani. Warani ddakhoto komave muneerokotholliwa. Ddawoona, warani ddakhoto komave muneerewinttakiwa.

Yesaya 45:1

Apwiya enallota ni oozoziwiiwa* Kirusi oyo yamphareelliwa onnattanatta wi agonjihe mitundu ddimodda dda athu, aamallihe masiva mamwene ni ohulla machiwi wi millako ddihiwalleye wi,

Ezekiele 21:31

Kineerewuunanariwellani nave owallaaka oneerokhara va nyuwaano. Kineerewuuhiyani m'mattani mwa athu eekuku, oodduwella woononga.

Mika 4:12

Koma athwaayo khanaadduwella maganizo a Apwiya navettho kheniiwesesa nnddo enakhozekelliiwa. Khenadduwella wi alliwa aawuukellella wonanko mitolo dda tirigu va nipuro nawuuputhellavo.

Nahumu 2:1

Nyu a o Ninive, oohella ekhoto enimawa wi ewoonongeni, ahiyeni akhoto va mipanda, wehakani omusewuni! Khozekellani ekhoto, makani malaambaanyu!

Zekariya 10:4

Mwa alliwa muneerokhuma oohoollella amasiva ookhalla wonanko nlluku noopaalleyesesa, ekhomo, apaalle muura wakhoto. Nave oolamulella attheene enaavenyereke mwa alliwa.

Ezekiele 21:11

Nsupada noovelleelliwa wi nipukutiwe ni wi nitukhulliwe. Nohaandusiwa ni opukutiwa wi nivelleelliwe m'mattani mwa muthu oyo aniipha.