Yeremiya 51:15 - Mawu a Mulluku

¹⁵ Apwiya sika yaphatusalle ellapo yavatthi ni masiviiwa, yaapanga ddittheddene ni ezeru ddiwa, mweeruso yahaanddellella eddullu.

Yeremiya 51:15 ပူးပေါင်းရင်းမြစ်များ

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Aroma 1:20

Waambeella enthaweeyo Mulluku aphatuseeye ellapo yavatthi, makhallellwaaye oohooneya, ayo tti, masivaaye oohimalla ni omullukwaaye, oohooniwa. Yaalla enadduwanyeya oweella mwa ddeko ddoophatusiwa ni Mulluku. Sika athu yaalla khenna mawu oothawella!

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Miyambo 3:19

Ni ezeru Apwiya yaaphatusa ellapo yavatthi nave ni wiiwesesa yaakeraatthiha oddullu.

Yobu 9:8

Mulluku yeekha ahaanddellella ddooddullu, olliye sika aneeta va mafunde a va enyanja.

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Yesaya 45:12

Mi sika kaphatusalle ellapo yavatthi ni omuphatusa muthu wi akhallekemo. Kahaanddellella ddooddullu ni mattaaka, kinnalamulella ddittheddene ddooddullu.

Yesaya 44:24

Apwiya Oovullusaawo, ayo yuupangille m'mirimani mwa amaayo, enallota wi, “Mi tti Apwiya ayo yapangille ddeko ddittheddene, kaanddellelleemi ddooddullu, kaari meekha. Kaphatuseemi ellapo yavatthi ethiyo ookhallavo oyo akikaviherille?

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

Yesaya 40:26

Tukhullellani miitthwaanyu muwehe muddullu! Ethiyo ttaani aphatusalle etheneeri munooneenyunndda? Olliye sika anaddihoollella wonanko mulloko wakhoto, erive etheneeri annayiithana nnddina niwa. Vawi ekophollo ni masivaaye tti dduullupalli, kheyiivo naari emodda enaramavo.”

Yesaya 40:22

Ellapo yavatthi yaphatusiwe ni olliye, oyo anakhalla va mpandwaaye woomwene oddullu, anawoona athu a vatthimva wonanko middope, anaanddellella mirapo wonanko ekuwo, wonanko musasa wookhallamo.

Masalimo 136:5

Yaaphatusa ddooddullu ni ezeru ddiwa, echikondiiwa yoohisintheya tti ya enthawi yoohimalla.

Masalimo 104:2

munniihuruwella ni owala wonanko mukanjo. Moottaphurusa eddullu wonanko ekuwo yamusasa,

Mitteko 17:24

Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

Yesaya 51:13

Ethiyo nyu ttaani wi mwaatiwalleke Apwiya, Oophatusaanyu ayo yaanddellellille ddooddullu, yakeraatthihalle matthipello a ellapo yavatthi? Ethiyo nyuwaano ttaani wi enthawi ddittheddene mooveke owalli wa athu awuuhoosani, ayo yoopaalliiwa tti owoonongani? Ethiyo vano owalli wa athu awuuhoosanaayo ori wuuwi?

Yesaya 48:13

Mattaaka yaakeraatthiha matthipello a ellapo yavatthi, nnattanatta naka nahaanddellella oddullu. Kiithana ellapo yavatthi ni yooddullu, ddittheddenennddo ddinnatthukumana vamodda.

Masalimo 107:25

Apwiya yalamulalliiwa, yaamwaambiha namondwe oyo aambihalle mafunde va enyanja.

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Yeremiya 27:5

‘Kaaphatusa ellapo yavatthi ni masivaaka ni ekophollo ddaka. Kahaaphatusa athu ni enama va ellapo yavatthi nave kinnayivelleella wa oyo kinamooneemi wi tti oophwanella.

Zekariya 12:1

Alla sika mawu a Apwiya oollota dda Israele. Apwiya sika yaanddellenlle eddullu ni okeraatthiha ellapo yavatthi navettho yaphatusalle mpweya woovaha okumi. Alliwa eni,