Yeremiya 51:14 - Mawu a Mulluku

¹⁴ Apwiya Amasiva Mattheene yaallupella va weekhiiwa wi, “Kineerewaaruma athu ooheerengeya wonanko nazombe wi yuuhelleni ekhoto nave eneerokhuwa moopambana.”

Yeremiya 51:14 ပူးပေါင်းရင်းမြစ်များ

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Yowele 2:25

Kineerewuuhokollosellani mmiddo ddanyu ddittheddene nnddo ddaachiwe ni nazombe a mitundu ddittheddene miyakha ddenndde. Ollathi sika mulloko wakhoto oyo kawurumihalleemi wi owoonongeni.

Yeremiya 50:15

Mukhuwelleni virive veko vawi oogonja nave mattatthaaye aamora, mipanda ddayettho ddohoonongeya. Nngu sika ohokollosella wa Apwiya. Sika muhokolloselleni ddoonanara moollikana ni mmo aweerelleeye amodda.

Yeremiya 49:13

Kinimallupella, muzinda wa Bozira oneerotthattuwa ello yawoopiha, yoottheyiwa, yoohikhalla ni mutteko ni yootembeleliwa. Nave mizi ddiwa ddittheddene ddinaakhalle matepe wa enthawi yoohimalla. Mi Apwiya koollota.”

Aheberi 6:13

Mvo Mulluku amulonjezilleeye Abrahamu aallupella. Vawi khaarivottho mmodda muullupalli omukhwaranya olliye, aaromonlle nnddina naye nenno voollupellanimvo.

Yeremiya 51:27

“Imesani embendera veellaponi nave opani nipallapata wi mitundu dda athu ddiwe. Ithanani mitundu dda athu ddittheddene wi ddimuhelle ekhoto Babiloni. Ithananittho moomwene a o Ararati, a o Mini ni o a o Ashikenazi. Mutthoolleni oohoollella ekhoto wi awane ni Babiloni. Muweena akavalo anchichi wonanko nazombe.

Yeremiya 46:23

Eneerewuuha otthako wa o Iguputo naari ophimpe, kaambiiwa athwaayo yaatille wonanko nazombe, tti ooheerengeya.

Oweeruza 6:5

Yaanawa ni eng'ombe ddiwa ni misasa ddiwa. Yaanawa anchichi wonanko middope nave waari woohiworeya oweerenga athwaayo ni ekamira* ddiwa nave yaanayoononga ellapweeyo yaawaaka.

Masalimo 105:34

Yaallota nave waaphiya nazombe, middope ddooheerengeya,

Yeremiya 44:26

Nyu Ayuda attheene a mu Iguputo, vano iwani mawu a Apwiya. Vawi Apwiya aallupella mu nnddina niwa noopambana wi mwa athu a o Yuda khaavo naari mmodda anaaromollettho nnddina nenna mu Iguputo wi, ‘Vamiitthoni va Apwiya Mulluku Ookumi.’