Yeremiya 51:13 - Mawu a Mulluku

¹³ Nyu mookhalla ni mihinje ddinchichi nave mookhalla ni eyuuma koma enthawi yohuumallellani, okumaanyu woomalla.

Yeremiya 51:13 ပူးပေါင်းရင်းမြစ်များ

Yawuupullulla 17:1

Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.

Yawuupullulla 17:15

Mungelooyo aallotattho wa miyaano wi, “Maaddi woonilleewe mvo vakeraatthille hulooyo, sika ellapo, malloko, mitundu dda athu ni ellotello dda athu.

Yesaya 45:3

Kineerewuuvaha eyuuma yawiipittheya, ddoowallamella mutengo munipuroni noovittheya sika oneerodduwella wi mi tti Apwiya Mulluku a Israele oyo kinawiithana ni nnddina nawo.

Yeremiya 51:36

Nave Apwiya yaallota wi, “Kineerowiimellellani va mullatwaanyu nave kineerewaahokollosella ddoonanara adanaanyu. Kineerewummiha maaddi a o Babiloni, aneetuutwaaye attheene eneerowelleella.

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Yawuupullulla 18:19

Yahiihella nthupi m'muruni mwiwa nave yinlla ni ommorella ethakaraka ellota wi, “Otulli! Otulli! Muzinda woovuwooyo! Olla tti muzinda oyo athu attheene yaari ni ekallawa ddiwa ddaweeta va enyanja yaatukhuwa ni eyuumiiwa! Nave va enthawi yooyeva, eyuuma ettheeneelle yoomalla!”

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Daniele 5:26

Vano ottaphullella wiwa tti wawi, MENE sika wi Mulluku oheerengella mallapo a omwenaanyu nave woomalla.

Maliro 4:18

Athu yaananithwara manyallo, khenaaworattho weeta m'misewuni ddahu. Mallapwaahu yaanayeva, okhwa wahu wahaatamella, omalla wahu waaphiya.

Yeremiya 50:37

Nsupada nimorelle va akavalwaaye ni va magaretaaye, nimorellettho va milloko dda akhoto eelleto wi ekhalleke wonanko atthiyana. Nsupada nimorelle va eyuumaaye ettheene wi yaakhiwe.

Yeremiya 50:31

Apwiya Mulluku Amasiva Mattheene enallota wi, “We Babiloni, kineerewuuhella ekhoto ekaamba yawi onnitukhulla vawi enthawaawo yookwakhwana, noophiya nllapo nawo na ollakiwa.

Yeremiya 50:27

Muwiiphe ni waatthollosa asombwe akhoto attheene. Otulli wohaamorella vawi nllapo nawi ellakiwe noophiya.”

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Yesaya 43:14

Apwiya, Oowoopollanaanyu, Aweella a Israele enallota wi, “Kineeroruma mulloko wa akhoto wallipane ni Babiloni wi kuuvulluseni. Kineerokumulla millako dda muzindooyo, ohakallalla wa athu oneerotthattuwa winlla.

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

Masalimo 137:1

Mukhwipi mwa mihinje dda Babiloni, wenko naakeraatthi vatthi, nininlla nuupuwellaka o Ziyoni.