Yeremiya 51:11 - Mawu a Mulluku

¹¹ “Tthokollani mipaamba, kusani ezishango. Apwiya aanyanyulla mirima dda mamwene a Amedi vawi yoopaalliiwa tti yawi emoononge Babiloni. Enapaalla emuhokolloselle yoonanara kaambiiwa ahoononga enyumbiiwa.

Yeremiya 51:11 ပူးပေါင်းရင်းမြစ်များ

Yeremiya 46:4

Mwaamake akavalo, nyu oowellavo, muwelle. Imellani vamuzerani muwanre enduwira ddanyu, andusani mavakaanyu, waranittho malayaanyu amukoko.

Yeremiya 50:45

Sika vano apellani maaru nnddo kikeraatthihalleemi ddoomullakella Babiloni ni nnddo kinapaalleemi weera va Ababiloni. Ddawoona, aniiwa eneerophariwa nave athu attheene eneerotathilla murima ekaamba ya otulliiwa.

Yeremiya 50:9

Kineerotthoolla ni owaana mutundu wakhoto wamasiva wa malloko mamodda a athu oovenyera ompoto wi niwane ni Babiloni. Mipaamba ddiwa ddiri wonanko akhoto oosha murima, kheddinakusha.

Yeremiya 46:9

Nyu akavalo, hankoni, nyu magareta, thamakani, Nyu akhoto, yaani vahoollo, nyu a o Kushi ni a o Puti, oophareella ezishango, nyu eeruso dda miira a o Ludi.”

Zekariya 14:12

Apwiya eneerorumiha ereta yawoopiha va mitundu dda athu nnddo ddamuhella ekhoto Yerusalemu. Ereteene enaakhalle yawuntiha mwiilli muthu eetaka, miittho eri munipuroni mwiwa navettho nllumi niri muwano.

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.

Yeremiya 51:35

Athu a o Ziyoni ellote wi, “Ekuku Ababiloni yaneerelliiwa ni aniihu yaahokollweelle!” Athu ookhalla o Yerusalemu ellote wi, “Nikhame nahu nno natathilleye naamorelle Ababiloni monga ollakiwa wiwa.”

Yeremiya 51:24

Apwiya enallota wi, “Nyu moonaka, kineeromuhokollosella ddoonanara Babiloni ni attheene ookhallamo ekaamba ya machimo mattheene eerilleeye o Ziyoni. Mi Apwiya koollota.”

Yeremiya 51:12

Imesani embendera nave moononge mipanda dda Babiloni. Mwaallipihe ooteteza, mwaahiyevo alonda nave mukhozekelle waatthollosa.” Apwiya aaganizera nave eneereweera nnddo yallotilliiwa dda athu a o Babiloni.

Yeremiya 50:25

Apwiya aahulla enyumba ya ezida ddiwa nave aakhumiha ezida dda osha murima wiwa. Vawi mi Apwiya Mulluku Amasiva Mattheene kinapaalla kiphare mutteko mu ellapo ya Ababiloni.

Yesaya 46:11

Kiniithana mpungu ovenyera wookhuma nndduwa, sika wi muthu oovenyera o ellapo yawoorekama oyo anaakwakhwanihelle nnddo kinapaalleemi weera. Nnddo killotilleemi kineeroddikwakhwanihella, nnddo kisimikizalleemi kineeroddeera.

Yesaya 45:5

Mi sika Apwiya, khaavottho mmodda, opatula mi khaavottho mulluku mmodda. Kineerewuuvaha masiva naari ohikidduwellaka.

Yesaya 45:1

Apwiya enallota ni oozoziwiiwa* Kirusi oyo yamphareelliwa onnattanatta wi agonjihe mitundu ddimodda dda athu, aamallihe masiva mamwene ni ohulla machiwi wi millako ddihiwalleye wi,

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Yesaya 21:5

Alliwa enapotokosa tebulo ni waanddellella mwinlli. Alliwa enimacha ni owirya. Moorurumusa eniiwa mawu awi, “Nyu akhoto, venyani nave hellani makhura ezishango ddanyu!”

Yesaya 21:2

Kohoona masomphenya awoopiha awi awoottha ennootthave nave awaakha ennaakhave. Akhoto a o Elamu, ambani ekhoto! Akhoto a o Mediya, apheellani muzinda! Mi Apwiya kineeromalliha ddookatamiha ddittheddene ddawiille ni Babiloni.

Yesaya 10:26

Mi Apwiya Amasiva Mattheene kineerewaawashulla wonanko mmo kaawashullelleemi Amidiyani o nlluku na Orebu. Kineerewaatukhullella ekopwaaka wonanko mmo kaallakelleemi Aiguputo va enyanja valle.

Ezara 1:1

M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

2 Epilli 36:22

M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

1 Epilli 5:26

Sika Mulluku a Aisraele aamweeriha Pulo mwene a o Asiriya oyo nnddina naye nimodda naari Tigilati Pilesere wi aaphare Arubeni, Agadi navettho hafu a nlloko na Manase ni oyaana o Hala, Habori, Hara ni o muhinje wa Gozani nave anakhalla wenko ophiyera ollello.

1 Mamwene 11:23

Mulluku aamurumihellattho Solomoni mudani mmodda, Rezoni mwaana a Eliyada oyo athawenlle wa apwinnya Hadadezere mwene a o Zoba.

1 Mamwene 11:14

Sika Apwiya yaamweeriha Hadadi Muedomu, a nibanja noomwene na o Edomu wi amuwukile Solomoni.

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

Yeremiya 25:25

Yaakirumattho wa mamwene mattheene o Zimiri, wa mamwene mattheene a o Elamu, wa mamwene mattheene o Mediya

Yeremiya 46:3

“Potokosani ddawiitetezella, mwaatamelle okhotoni.

Yeremiya 50:3

“Mutundu wa athu oompoto woowuhella ekhoto muzinda wa Babiloni. Ellapwaaye eneeroyitthattusa ntepe nave wenko khowa okhalla muthu apaalle enama.”

Yeremiya 51:36

Nave Apwiya yaallota wi, “Kineerowiimellellani va mullatwaanyu nave kineerewaahokollosella ddoonanara adanaanyu. Kineerewummiha maaddi a o Babiloni, aneetuutwaaye attheene eneerowelleella.

Daniele 5:30

Nave mahiiyu yaayo Belishazara mwene a o Babiloni ahiiphiwa.

Yowele 3:9

“Llalleyani wa athu a mitundu ddittheddene wi, ‘Khozekellani ekhoto, wiithaneni akhotwaanyu amasiva, atthukumaniheni athu akhoto attheene wi yaatamelle, alleelleni wi esusellewo.

Yowele 3:10

Hanani ehipa ddanyu wi ddikhalle masupada, ezikwakwa ddanyu wi ddikhalle mavaka. Naari oofooka allote wi, Mi tti akhoto.