Yeremiya 51:1 - Mawu a Mulluku

¹ Apwiya enallota wi, “Kineerorumiha ephevo yawi emoononge Babiloni ni athu a mwiillaponimmo.

Yeremiya 51:1 ပူးပေါင်းရင်းမြစ်များ

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Hoseya 13:15

Naari Efuremu ahakallallille wonanko epango, ephevo ya wookhuma nndduwa, ephevo ya Apwiya eneerewoopa ovenyera ochipululuni. Sika aneetuutu eneerowelleella nave mathiyaaye eneerewumma. Adani eneerewoononga eyuumaaye yoowallamella mutengo.

Mitteko 9:4

Ahiikuha nave ahiiwa mawu awi, “Saulo, Saulo! Onakihoosella tini?”

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Ezekiele 19:12

Koma waatulliwa moowalli okuhiwa, ahumma ni ephevo ya wookhuma nndduwa, ezipaso ddiwa ddaavakareya, nthimwa nahumma, muteekho muttheene osha ni munllo.

Yeremiya 50:33

Apwiya Amasiva Mattheene enallota wi, “Athu a o Israele ni a o Yuda enimahoosiwa. Athu attheene ayo yaaphanre okaporo ahaapharesesa, khenapaalla waattaphulla.

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.

Yeremiya 50:24

We Babiloni, kohuureya musampha nave woomakiwa koma khonadduwella. Woophwanyeya nave woophariwa ekaamba yawi waallipana ni Apwiya.

Yeremiya 50:21

Apwiya enallota wi, “Muyihelle ekhoto ellapo ya Merataimu ni athu ookhalla o Pekodi. Muwiiphe ni nsupada nave mwaatthollose. Mweere ddittheddene nnddo kuulamulalleemini. Mi Apwiya koollota.

Yeremiya 50:9

Kineerotthoolla ni owaana mutundu wakhoto wamasiva wa malloko mamodda a athu oovenyera ompoto wi niwane ni Babiloni. Mipaamba ddiwa ddiri wonanko akhoto oosha murima, kheddinakusha.

Yeremiya 49:36

Kineerorumiha ephevo ddisese va athu a o Elamu ovenyera o ezigawo ddittheddene ddamuddullu. Kineerewaapallallesella o ephevo ddisesennddo nave khavikhalla ellapo nko ohinaaphiyeweewo.

2 Mamwene 19:7

Kineerohiya m'murimani mwa mwene maganizo mamodda awi iiwa ephevove aneerowatiheriwa ohokollweella o ellapwaaye nave mi kineeromwiiphiha owaniwa wenko.’ ”

Masalimo 137:8

We muzinda wa Babiloni, oneerewoonongiwa, oodalisiwa tti oyo anaawuhokolloselle ddoonanara nndda oneerelleewe.

Yeremiya 23:19

Onani ephevo yawoopiha yoovenyera wa Apwiya! Onani owalliiwa wawoopa wonanko ephevo yuullupalli, oneerewoopa va miru dda oonanara.

Yesaya 13:13

Sika kineerotikha muddullu nave ellapo yavatthi eneerosusa vanipuroni viwa ekaamba ya owalli wa mi Apwiya Amasiva Mattheene va nllapo na osha murima waka wawoopiha.

Yesaya 14:14

Navettho waaganiza wi oneerowella vaddullu va mirapo wi ophwanaphwane ni Amasiva Mattheene.

Yesaya 21:1

Nngu sika ollotella wa dda echipululu ya mukhwipi mwa enyanja. Otulli oneerophiya ovenyera o ellapo yawoopiha wonanko mmo namangalle anoopelleeye ovenyera o echipululu.

Yesaya 47:1

Apwiya enallota wi, “We namwalli, Babiloni, kittha okeraatthi vanthupini. We namwalli, Babiloni, keraatthi vatthi voohikhalla mpando woomwene, vawi kheyuuromollattho awoollowa ni ooreera.

Yeremiya 51:53

Naari Babiloni iitukhulleve ophiyera oddullu, allipiha mattatthaaye, kineeromuruma awoononga wi amugonjihe. Mi Apwiya koollota.’ ”

Yeremiya 51:60

Yeremiya aalemba mu nibukhu dda woonongeya nko onaamooneyelle Babiloni ni ddimodda ddittheddene.