Yeremiya 50:7 - Mawu a Mulluku

⁷ Arive muthu aaphwanyille aawoononga. Nave adaniiwa yaanallota wi, ‘Hi kheninna mullatu ekaamba yawi alliwaalla yahaachimwella Apwiya ayo eri vookhalla viwa vawoona, ayottho makhollwiiwa yaaroromelliiwa.’

Yeremiya 50:7 ပူးပေါင်းရင်းမြစ်များ

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?

Yeremiya 2:3

We Israele waari oopatuliwa a Apwiya, waari wonanko echipaswaaye yawaamba wiithwa. Kaarumiha ddoovoreya ni ddookatamiha ddinchichi va attheene ayo yuuhoosille otulli waanaamorella. Mi Apwiya koollota.”

Zekariya 11:5

Ookulla enkhosa ennaddiipha koma khaavo anawiipa mullatu. Nave vookullihani enameeyo enallota wi, ‘Apwiya etitimiheye! Noophwanya eyuuma!’ Abusa khenamoriwa ethakaraka ni enkhosa.”

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

1 Timoteo 1:1

Ovenyera wa miyaano Paulo, murummwa a Khrisitu Yesu moollikana ni olamula wa Mulluku oovullusaahu navettho Khrisitu Yesu, otiyera wahu.

Zekariya 1:15

Kohaananariwella wunchichi athu a mitundu ddimodda ayo eri vamurendelleni. Vawi kaananariwelleemi athwaaka mooyeva koma alliwa sika yoonjereriiwa waahoosa athwaaka.

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Daniele 9:6

Khaniwiiwellelle anamallotella, oorumeyellaanyu, ayo yallotella mu nnddina nanyu wa mamwenaahu, wa enduna ddahu, wa makhollwaahu ni wa athu attheene a mwiillaponi.”

Yeremiya 50:33

Apwiya Amasiva Mattheene enallota wi, “Athu a o Israele ni a o Yuda enimahoosiwa. Athu attheene ayo yaaphanre okaporo ahaapharesesa, khenapaalla waattaphulla.

Yesaya 56:9

Apwiya enaalleella athu a mitundu ddimodda wi ewe wonanko enama ddamuhakani wi yaattakhune athwiiwa.

Yesaya 47:6

Kahaashella murima athwaaka, kahaahambulla wonanko khe yoohallanaaka. Kahaavelleella m'mattani mwawo, weyaano khewaaweerelle echifundo waawummella murima naari awuulluvalla.

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Masalimo 90:1

Nyu Apwiya, tti mookhallamo mwahu va mibado ddittheddene.

Masalimo 79:7

Vawi ahaamirya athu a Yakobo, ellapwiiwa aayitthattusa ntepe.

Masalimo 71:5

Nyu Apwiya Mulluku, tti oyo kinamutiyerelleemi, oyo kinamuroromelleemi waambeella enamwanaaka.

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Ezekiele 34:5

Sika ddaanapallalleya vawi khavaari mbusa. Vano ddaatthattuwa yoocha ya enama ddamuhakani ddittheddene.

Ezekiele 35:12

Muneerodduwella wi mi Apwiya kahiiwa mawaanyu oovevulla miyaango dda o Israele. Mwaallota wi, ‘Miyaango dda o Israele ddoohiyiwa, noovahiwa wi niddoononge.’

Yeremiya 33:15

Mallapo yaayo navettho va enthawi yeeyo, kineeromuphuwihella Davide enthambi yoolungama oyo aneere ddaphaama ni ddoolungama mu ellapo ettheene.

Yeremiya 33:16

Enthawi yeeyo Yuda aneerovulluwa nave Yerusalemu aneerokhalla vamurendelleni. Sika muzindooyo onaaromolliweke wi, ‘Apwiya sika echilungamwaahu.’

Yeremiya 50:14

“Nyu ookoka miira, khozekani wi mumwaapheelle Babiloni embali ddittheddene. Vokhani mipaamba ddanyu ddittheddene kaambiiwa ahaachimwella Apwiya.