Yeremiya 50:6 - Mawu a Mulluku

⁶ “Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Yeremiya 50:6 ပူးပေါင်းရင်းမြစ်များ

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Mateyu 9:36

Yesu oonille mulloko wa athoolle, ahaamorella ethakaraka kaambiiwa athwaalle yaari ookhupanya ni oorama nikavihero wonanko enkhosa ddoohikhalla ni mbusa.

Mateyu 10:6

Koma muye wa athu a o Israele ayo tti wonanko enkhosa ddoohollowa.

Ezekiele 34:14

Kineerekoddichihella o mapuro aphaama nave ddineerekocha munyepu wooneneviha o miyaango ddoorekama dda o Israele. Wenko ddineerewiithuuwa o mapuro a munyepu waphaama. Ddineerophwanya mapuro aphaama o miyaango dda o Israele.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Masalimo 119:176

Koohollowa wonanko enkhosa yoorimeella, kaashaasheni mi oorumeyellaanyu vawi nginatiwalla malamulwaanyu.

Yeremiya 50:19

Kineeromuhokollosella Israele obusani waye nave anaachelleke o Karimele ni o Bashani. Aneerekovona o miyaango dda o Efuremu ni o Giliyadi.

Yeremiya 3:6

Va enthawi ya mwene wa Yosiya, Apwiya yaakilleella wi, “Ethiyo wohoona nnddo eerille Israele oohiroromelleya? Oowella orive mwaango ni vatthi va orive muteekho woovattha nave ooraruwa.

Masalimo 116:7

We murimaaka, hokollweella onipuroni nawo nawiithuuwellawo, kaambiiwa Apwiya aaweerella ddaphaama.

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

Mateyu 15:24

Vano Yesu ahaakhulla wi, “Mi kaarumihiwa wa Aisraeleve ayo eri wonanko enkhosa ddoohollowa.”

Yeremiya 10:21

Kahaakhulla wi “Vawi abusaahu tti ookarangeya, khenaveka ezeru wa Apwiya. Ekaamba ya yeella ddeko kheddinaweetella phaama, enkhosa ddiwa ddaapallalleya.

Yeremiya 3:23

Khenaaphunrevo ello voollapellani va asimiyaango, vaweerani mutetho omiyaangoni khonna mutteko. Ddawoona, Apwiya Mullukwaahu sika ovullusa wa Aisraele.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Yesaya 30:15

Sika Apwiya Mulluku, Aweella a Israele yaallota wi, “Orukunuwa murima ni ohokollowa ddinaakhalle ovullusa wanyu. Okhurumuwa murima ni ororomelleya sika ddinaakhalle masivaanyu.” Koma mwaakhoota weera ddennddo.

Masalimo 90:1

Nyu Apwiya, tti mookhallamo mwahu va mibado ddittheddene.

Masalimo 32:7

Nyuwaano tti woothawellawo waka, munnakiteteza mu ddookatamiha, munnakaapheelliha ni okhuwa wa ovullusa.

Masalimo 23:2

Ennakikonaatthiha vamunyepuni, ennakihoollella omaaddini oodikha.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Yeremiya 23:1

Otulli wa abusa ayo enoononga ni opallallesa enkhosa dda va nibusa na Apwiya.

Yeremiya 33:12

Apwiya Amasiva Mattheene yaallota wi, “Mu ellapo yantepeella, yoohikhalla ni athu naari enama ni o mizinda ddiwa ddittheddene oneerokhallattho mapuro oochihellawo enama nko abusa enaachihekiiwawo eziweto ddiwa.

Ezekiele 13:10

“Ddawoona, anamallotella yaanaahollosa voollotani wi oneerokhalla murendelle koma ohiri murendelle nave athu yamaka esiri yoohillipa nave anamallotella yaanayireeriha ni otooto waweella.

Ezekiele 34:15

Miyaano mwaneenaka kineerokhalla mbusa a enkhosa ddaka. Nave kineeroddivullusa. Mi Apwiya Mulluku koollota.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”