Yeremiya 50:44 - Mawu a Mulluku

⁴⁴ “Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Ababiloni woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Yeremiya 50:44 ပူးပေါင်းရင်းမြစ်များ

Yesaya 46:11

Kiniithana mpungu ovenyera wookhuma nndduwa, sika wi muthu oovenyera o ellapo yawoorekama oyo anaakwakhwanihelle nnddo kinapaalleemi weera. Nnddo killotilleemi kineeroddikwakhwanihella, nnddo kisimikizalleemi kineeroddeera.

Yesaya 46:9

Muupuwelle ddakhallenndde, miyaano sika Mulluku, khaavottho mmodda. Ddawoona, Mulluku tti miyaano, khaavottho mmodda wonanko miyaano.

Yesaya 43:10

Nyu Aisraele, muri ambonaaka, muri oorumeyellaaka ayo kuutthoollilleemini wi mukidduwelle ni okiroromella, mwiiwesese wi meekhave sika Mulluku. Kihinakhallewo khavaari mulluku mmodda, vatulli vaka khaviwa vikhallattho mmodda.

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Yesaya 40:25

Aweella anallota wi, “Ethiyo ttuukiphwanaphwanihella ni aani apaalle ttuukillikanihella ni tini?

Masalimo 89:6

Ethiyo ttaani muddullu anaaphwanaphwane ni Apwiya? Ttaani mwa ooddullu enaphwanaphwaniiwana?

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Yeremiya 25:38

Apwiya ahaahiya athwiiwa wonanko mukango woohiya nikhungu niwa nave ellapwiiwa yootthattuwa ntepe ekaamba ya ddoohoosa dda ekhoto ni osha murima wawoopiha wa Apwiya.

Yesaya 40:18

Ethiyo Mulluku ttuumphwanaphwanihella ni aani apaalle ttuumullikanihella ni tini?

Masalimo 89:8

Ethiyo nyu Apwiya Mulluku Amasiva Mattheene, ttaani ari amasiva wonanko nyuwaano ororomelleya wanyu woowaapheellani?

Numeri 16:5

Vano aamulleella Kora ni mullokwaaye muttheene wi, “Osiisello ohinase Apwiya enoonihelle oyo ari ayiwayiwa navettho oyo ari aweella nave eneeromulleella wi awe vakhuviru ni alliwa. Muthu oyo Apwiya enaamutthoolliiwa eneeromuphiyiha vakhuviru.

Yeremiya 12:5

Apwiya yahaakhulla wi, “Waawuutopihaka othamaka ni athu ttuukhalla mwawiidde wi opikisane ni akavalo? Onakwakwatuwa mu ellapo yaphaama, ttuuwiidde mu otthako wa o Yordani?

Yeremiya 30:21

Oolamulella anaakhalle mmodda a alliwa, oohoollella anaavenyera variyari viwa. Kineeromususihella vakhuviru ni miyaano, olliye aneerewaatamana ni miyaano. Ttaani anaallipe murima wi aatamane ni mi?

Yeremiya 50:15

Mukhuwelleni virive veko vawi oogonja nave mattatthaaye aamora, mipanda ddayettho ddohoonongeya. Nngu sika ohokollosella wa Apwiya. Sika muhokolloselleni ddoonanara moollikana ni mmo aweerelleeye amodda.

Zekariya 11:3

Iwani, abusattho eniminlla mookhuwa vawi munyepwiiwa waphaama wohoonongiwa. Iwani othuruma wa mikango vawi otthako wa o Yordani wohoonongiwa.

Yesaya 48:14

Tthukumanani attheenenyu nave mwiiwe! Ttaani mwa asimilluku allotenlle khalleve ddenndda? Ookondiwa ni Apwiya aneereweera ddoopaalla ddiwa va Babiloni, ni nnatta niwa namasiva eneerollipana ni Akaldeya.