Yeremiya 50:31 - Mawu a Mulluku

³¹ Apwiya Mulluku Amasiva Mattheene enallota wi, “We Babiloni, kineerewuuhella ekhoto ekaamba yawi onnitukhulla vawi enthawaawo yookwakhwana, noophiya nllapo nawo na ollakiwa.

Yeremiya 50:31 ပူးပေါင်းရင်းမြစ်များ

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.

Yeremiya 21:13

Nyu ookhalla muntaponi, kinawiipani mullatu nyuwaano ookhalla wonanko nlluku na va ntapo. Nyu munallota wi, ‘Ethiyo ttaani anaanihelle ekhoto. Ttaani anaawore ovollowa m'millakoni mwahu?

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Nahumu 2:13

Apwiya Amasiva Mattheene enaalleella a o Ninive wi, “Mi nginawaakhullellani, kineerowoosellani magaretaanyu. Nsupada nineerowonongellani akhotwaanyu ayo tti wonanko mikango. Kineerowaakhani ddittheddene nnddo mwaakhilleenyu va ellapo yavatthi, amithengaanyu khewa yiiweyattho mawu.”

Ezekiele 39:1

“We mwaana a muthu, llotella ddoomuvaanyiha Gogi. Omulleelle wi mi Apwiya Mulluku kinallota wi, ‘Ngoona, kiri mudanaawo, we Gogi, mwene muullupalli a o Mesheki ni a o Tubala.

Nahumu 3:5

Apwiya Amasiva Mattheene enallota wi, “Mi nginawaakhullella, kineerewuurulla ni wuuwulliha muru. Athu a mitundu ddittheddene eneerewoona epwillimwinddaawo, oneerowulliwa muru vamiitthoni va ellapo ddittheddene.

Ezekiele 38:3

Omulleelle wi mi Apwiya Mulluku kinallota wi, ‘Kiri mudanaawo we Gogi mwene muullupalli a muzinda wa Mesheki ni wa Tubala.

Ezekiele 29:3

Omulleelle wi mi Apwiya Mulluku kinallota wi, ‘We mwene a o Iguputo kiri mudanaawo. Ori wonanko ekonya yookonaatthi m'muhinjeni voollotani wi muhinje wa Nailo tti waawo, wawuphatusalle tti weyaano.’

Ezekiele 5:8

Ella sika ekaambiiwa mi Apwiya Mulluku kinuuvaanyiheemini. Kineerewuullakani athu a mitundu ddimodda yoonaka.

Yeremiya 51:25

We mwaango wawoononga, we ootthollosa ellapo yavatthi ettheene, kinawiipa mullatu. Kineerottaphurusa nnatta voopalla wuullaka ni wuukakhella vatthi ovenyera o mallukwaawo nave kineerewuutthattusa mwaango woosha. Mi Apwiya koollota.

Yeremiya 50:32

We ellapo yawiitukhulla, oneerokwakwatuwa ni wiikuha nave khaavo oyo anuuvenyihe. Mizinda ddawo kineeroddoosa ni munllo nave oneeroshellelliha ddittheddene ddawaatamana ni mizindannddo.”

Yeremiya 49:16

Wiitukhulla wawo wohuulleka, woopopiha wawo wohuuhollosa, we ookhalla m'mallukuni ni omiyaangoni. Koma naarive omakille enyumbaawo vaddullu wonanko emphuru ya echiwombankhanga kineerewuukitthiha. Mi Apwiya koollota.”

Yeremiya 48:29

Nohiiwa dda wiitukhulla wa Mowabu. Olliye tti awiitukhulla, awiinyarulla, awiiwa ddaayeve nave tti awiitukhulla wunchichi.

Yawuupullulla 18:8

Ekaamba ya yeella millilli ddineerommorella va nllapo nimodda, ereta winlla ni ettalla. Nave aneerewoosiwa ni munllo, kaambiiwa Apwiya Mulluku, ayo enamweeruza olliyooyo, tti amasiva.”

Yesaya 2:12

Apwiya Amasiva Mattheene aakeraatthiha khalle nllapo nno enaakitthihiiwa attheene ookota, awiitukhulla ni awiinyarulla.