Yeremiya 50:3 - Mawu a Mulluku

³ “Mutundu wa athu oompoto woowuhella ekhoto muzinda wa Babiloni. Ellapwaaye eneeroyitthattusa ntepe nave wenko khowa okhalla muthu apaalle enama.”

Yeremiya 50:3 ပူးပေါင်းရင်းမြစ်များ

Zefaniya 1:3

Kineerowoononga athu ni enama ddene, kineerowoononga epallame ddamuddullu ni ehomba ddamunyanja, kineerewaatthollosa athu oochimwa, kineerowoononga athu attheene waavenyiha va ellapo yavatthi,” Mi Apwiya koollota

Yeremiya 51:11

“Tthokollani mipaamba, kusani ezishango. Apwiya aanyanyulla mirima dda mamwene a Amedi vawi yoopaalliiwa tti yawi emoononge Babiloni. Enapaalla emuhokolloselle yoonanara kaambiiwa ahoononga enyumbiiwa.

Yeremiya 51:62

Vatulli viwa wavekelle wi, ‘Nyu Apwiya moollalleya yoolingaanyu yoopaalla woononga nipuronna, oohihiyavo ello, muthu apaalle enama. Nave enaakhalle echipululu wa enthawi yoohimalla.’

Yeremiya 50:9

Kineerotthoolla ni owaana mutundu wakhoto wamasiva wa malloko mamodda a athu oovenyera ompoto wi niwane ni Babiloni. Mipaamba ddiwa ddiri wonanko akhoto oosha murima, kheddinakusha.

Yeremiya 51:48

Vatulli viwa oddullu ni ellapo yavatthi vamodda ni ddittheddene ddookhalla mwemmo ddineerewiipa moohakallalla ekaamba ya omora wa Babiloni. Athu awoononga oovenyera ompoto eneeromugonjiha.

Yeremiya 21:6

Kineerowiipha ookhalla m'muzindoolla ni eziweto ddene, ddittheddene ddineerokhwa ni mullilli wawoopiha.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Yesaya 45:1

Apwiya enallota ni oozoziwiiwa* Kirusi oyo yamphareelliwa onnattanatta wi agonjihe mitundu ddimodda dda athu, aamallihe masiva mamwene ni ohulla machiwi wi millako ddihiwalleye wi,

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”