Yeremiya 50:25 - Mawu a Mulluku

²⁵ Apwiya aahulla enyumba ya ezida ddiwa nave aakhumiha ezida dda osha murima wiwa. Vawi mi Apwiya Mulluku Amasiva Mattheene kinapaalla kiphare mutteko mu ellapo ya Ababiloni.

Yeremiya 50:25 ပူးပေါင်းရင်းမြစ်များ

Yeremiya 51:55

Ddawoona, Apwiya enamoononga Babiloni, eneeronimalliha ntapha naye nuullupalli. Okhuwa wa athwaaye onniiweya wonanko mafunde oonyakulla, ntapha nno ninnonjerereyanjerereya.

Yeremiya 51:25

We mwaango wawoononga, we ootthollosa ellapo yavatthi ettheene, kinawiipa mullatu. Kineerottaphurusa nnatta voopalla wuullaka ni wuukakhella vatthi ovenyera o mallukwaawo nave kineerewuutthattusa mwaango woosha. Mi Apwiya koollota.

Yeremiya 50:15

Mukhuwelleni virive veko vawi oogonja nave mattatthaaye aamora, mipanda ddayettho ddohoonongeya. Nngu sika ohokollosella wa Apwiya. Sika muhokolloselleni ddoonanara moollikana ni mmo aweerelleeye amodda.

Yawuupullulla 18:8

Ekaamba ya yeella millilli ddineerommorella va nllapo nimodda, ereta winlla ni ettalla. Nave aneerewoosiwa ni munllo, kaambiiwa Apwiya Mulluku, ayo enamweeruza olliyooyo, tti amasiva.”

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Yeremiya 51:20

We Babiloni tti hamalaaka, echidaaka yakhoto. Ni weyaano kinnaphwinya mitundu dda athu, kinnawoononga mamwene.

Masalimo 45:5

Mipaamba ddanyu ddawiisha ddinnahoma mirima dda adanaanyu, mitundu ddimodda dda athu ddinnagonja vamiitthoni vanyu.

Masalimo 45:3

Nyu amasiva, makellellani nsupada nanyu muyuununi, mu oriiheya wanyu ni ottekweenaanyu.

Yesaya 13:15

Arive muthu anaaphwanyeye aneerohomiwa nave ari muthu anaaphariwe aneerewiiphiwa ni nsupada.