Yeremiya 50:24 - Mawu a Mulluku

²⁴ We Babiloni, kohuureya musampha nave woomakiwa koma khonadduwella. Woophwanyeya nave woophariwa ekaamba yawi waallipana ni Apwiya.

Yeremiya 50:24 ပူးပေါင်းရင်းမြစ်များ

Yobu 9:4

Mulluku tti eezeru ni amasiva, khaavo anaallipanena ni opambana.

Yobu 40:9

Ethiyo wookhalla ni muwono wamasiva wonanko Mulluku? Ethiyo mawaawo ttuugugudeya monga eneerella aaka?

Yobu 40:2

“Ethiyo muthu oohumullulla ttuullipana ni Amasiva Mattheene? Vano oyo anapikisana ni Mulluku aakhulle.”

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Yeremiya 51:57

Kineerolezeliha enduna ddaye ni eezerwaaye, oolamulellaaye, oohoollella ekhoto ni akhotwaaye. Eneerokona ekhove ddoonanara ddoohirurumuwana, mi, mwene, koollota, nnddina naka tti Apwiya Amasiva Mattheene.

Yeremiya 51:8

Babiloni oomora moorurumusa nave ohoonongeya. Mwinllelleni, mwinnyeni murete apaalle ttuuchira.

Yesaya 45:9

Otulli wa oyo anakangana ni Oophatusaaye vawi ari wonanko nivalli shisha variyari va mavalli makhwaaye. Ethiyo olloko ttuumukoha awoopa wi, “Ethiyo onoopa tini?” Apaalle ollota wi, “Awoopawe, khonna eruso!”

Yesaya 13:11

Apwiya enallota wi, “Kineerewaallaka athu a ellapo yavatthi ekaamba ya onanara wiwa nave kineerewaallaka oonanara ekaamba ya ochimwa wiwa. Kineeromalliha okota wa athu awiitukhulla nave kineerokitthiha wiitukhulla wa athu eekuku.

Oollalleya 9:12

Muthu khanadduwella enthawaaye. Monga mmo ehomba enakolelliwiiwa munthavini, epallame enakolelliwiiwa m'musamphani, tti emoddamoddave yeeyottho athu ekoliwe m'musamphani va enthawi yoonanara, otulli waamorella moorurumusa.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Yeremiya 48:43

Woopiha, nlliti ni musampha ddinuutiyerellani nyu athu a o Mowabu. Mi Apwiya koollota.

Yeremiya 48:44

Oothawa woopiha anaamorelle munllitini nave ookhuma munllitini anaamakiwe va m'musamphani. Nndda sika kineereemi kimmorihelle Mowabu va enthawi ya ollakiwa waye.

Yobu 15:25

Ddommorella kaambiiwa aamuwukila Mulluku, aamunnuwella murima Amasiva Mattheene.