Yeremiya 50:2 - Mawu a Mulluku

² Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yeremiya 50:2 ပူးပေါင်းရင်းမြစ်များ

Yesaya 46:1

Beli ootthettemana, Nebo oowarama! Mafano yaalla a Babiloni ehiyiwe vaabuluni ni vang'ombeni. Ddeko nnddo khalle mwadditukhulleenyu voollapellani, vano munaddeesa katundu oollemella vamutthanani wa enama ddootopa.

Yesaya 21:9

Kawoonille athu eellieelli oowella va akavalo. Mmodda athwaayo aallota wi, ‘Oomora, oomora Babiloni. Mafano mattheene a milluku ddaye yoovakareyella vatthi.’ ”

Yeremiya 51:47

Vano enthawi enimawa mvo kinaallakeemi mafano a Babiloni. Ellapo ettheene eneerowulliwa muru nave athwaaye attheene eneerewiiphiwa.

Yeremiya 51:44

Kineeromullaka Beli, mulluku a Ababiloni, kineeromurapheyiha nnddo amiryalleeye. Mitundu dda athu kheddiwa ddiyattho wa olliye. “Mipanda dda Babiloni ddoomora!

Yawuupullulla 18:2

Aakhuwa ni mawu oowella nave allota wi, “Ookumuwa! Babiloni oovuwa ookumuwa! Vano ootthattuwa nipuro nookhallamo minepa ddoonanara, enama ddawoopiha ddoonanara ddittheddene ni epallame ddoonanara.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Yeremiya 52:31

Va nllapo na 25 na mweeri waneekhumi ni piilli, m'muyakha wa 37 wa okaporo wa Yehoyakini mwene a o Yuda, Evili Merodaki mwene a o Babiloni avollowille wene omwene, aamweerella echifundo Yehoyakini mwene a o Yuda voomukhumihani mundende.

Yeremiya 51:52

Koma mi kinallota wi, ‘Enthawi enimawa mvo kinaallakeemi mafano a o Babiloni nave wiipullella wa athu oohomiwa oneerewiiweya mu ellapwaaye ettheene.

Yeremiya 51:31

Amithenga ennarumihiwa moothwarana wi yamulleelle mwene a o Babiloni dda waakhiwa wa embali ddittheddene dda muzindaaye.

Yeremiya 51:8

Babiloni oomora moorurumusa nave ohoonongeya. Mwinllelleni, mwinnyeni murete apaalle ttuuchira.

Yeremiya 50:46

Ellapo yavatthi eneerotthukumella ekaamba ya ogonja wiwa. Winlla wiwa oneerewiiweya o Enyanja Yoofiira.”

Yeremiya 46:14

“Mullalleye o Iguputo, o Migidoli, o Memfisi ni o Tapanesi. Alleelleni athu a wenko wi, ‘Imellani vanipuroni vanyu nave mukhozeke, vawi ekhoto eneerowoononga ddittheddene muriinyuna.’

Yeremiya 31:10

Apwiya enallota wi, “Nyu mitundu dda athu ddittheddene, iwani mawu a Apwiya. Llalleyani mawu o ellapo ddawoorekama, dda mukhwipi mwa enyanja. Apwiya ayo yaapallallesille Aisraele eneerewaatthukumanihattho, eneerewaapwatha wonanko mbusa ni enkhosa ddaye.

Yeremiya 6:18

Sika Apwiya yaallota wi, “Nyu mitundu dda athu, apellani maaru. Nyu mutthukumanne, dduwellani nnddo ddinaamorelle athwaaka.

Yeremiya 4:16

Enallota wi, “Muchenjeze mitundu dda athu wi mudani animawa. Mullalleye wa Yerusalemu wi akhoto enimawa ovenyera o ellapo yawoorekama, eninakhuwa wi ehelle ekhoto mizinda dda Yuda.

Yesaya 48:6

Ddittheenenndda waaddiiwa sika vano onneesesa phaama, ethiyo khoddaakhullella? Ovenyera ollello ophiyera muhoollo, kinuulleella ddeko ddanaanweene, ddeko ddawiipittheya nnddo wahiddidduwenlleewe.

Yesaya 39:1

Enthawi yeeyo Merodaki Baladani mwaana a Baladani mwene a o Babiloni, ahaarumiha amithenga awinnyera makalata ni emphaso wi yavelleelle wa Hezekiya vawi ahiiwa wi aamavoriiwa nave aachira.

Yesaya 37:19

Yahoosa milluku ddiwa nnddo ddihiri millukulluku koma mafano amiteekho ni amalluku oopangiwa ni athu sika ekaambiiwa yaddoonongilliiwa.

Yesaya 13:2

Tukhullellani muddullu embendera yeekhoto mwaango wawi see ni owiithana nave wuuvelleni matta wi evollowe va millako dda enduna.

Yesaya 12:4

Nllapo nenno muneerollota wi, “Athokozeni Apwiya, titimihani nnddina niwa. Mullalleye mitteko ddaye variyari va mitundu dda athu, muvuwihe wi nnddina niwa tti noopambana.

Masalimo 96:3

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

Masalimo 64:9

Sika athu attheene eneerewoova, eneerollota dda mitteko dda Mulluku, eneeroganizella nnddo eerilleeye.

Masalimo 97:7

Attheene oollapella milluku ddawoottha, awiitikhulla ni mafano oohikhalla ni mutteko, ennawullihiwa muru. Nyu milluku ddittheddene, akokhorelleni Apwiya.

Yesaya 48:20

Khumani mu ellapo ya Babiloni, thawani mu ellapo ya Akaldeya. Mullalleye ni okhuwa wunchichi ophiya o makomello a ellapo yavatthi, voollotani wi, “Apwiya ennamoopolla Yakobo, oorumeyelliiwa.”

Yeremiya 4:6

Tukhullani embendera o Ziyoni, Muhinaselliwa, thawani wi muvulluwe. Mi Apwiya kinimawa ni yoonanara yoovenyera ompoto, oneerokhalla woonongeya wawoopiha.

Yeremiya 51:12

Imesani embendera nave moononge mipanda dda Babiloni. Mwaallipihe ooteteza, mwaahiyevo alonda nave mukhozekelle waatthollosa.” Apwiya aaganizera nave eneereweera nnddo yallotilliiwa dda athu a o Babiloni.

Yeremiya 51:27

“Imesani embendera veellaponi nave opani nipallapata wi mitundu dda athu ddiwe. Ithanani mitundu dda athu ddittheddene wi ddimuhelle ekhoto Babiloni. Ithananittho moomwene a o Ararati, a o Mini ni o a o Ashikenazi. Mutthoolleni oohoollella ekhoto wi awane ni Babiloni. Muweena akavalo anchichi wonanko nazombe.

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Daniele 3:14

Nebukadinezara ahaakoha wi, “Nyu, Shadrake, Meshaki ni Abedenego, ethiyo tti ddawoona wi khemunarumeyella milluku ddaka apaalle ollapella nifano nagolide kaniimenseemi?

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Yeremiya 10:15

Mafano khenna mutteko, tti oophwanella waavevulla, voollakiwani eneerewoonongiwa.