Yeremiya 50:18 - Mawu a Mulluku

¹⁸ Sika ekaambiiwa Apwiya Amasiva Mattheene, Mulluku a Israele, enallotiiwa wi, “Kineeromullaka mwene a o Babiloni ni ellapwaaye wonanko mmo kamullakelleemi mwene a o Asiriya.

Yeremiya 50:18 ပူးပေါင်းရင်းမြစ်များ

Yesaya 10:12

Apwiya yamalliha muttekwiiwa wowaallaka attheene va mwaango wa Ziyoni ni o Yerusalemu, eneeromullakattho mwene a o Asiriya ekaamba ya okota ni wiitukhulla waye.

Yeremiya 46:10

Koma nllaponno tti nllapo na Apwiya Mulluku Amasiva Mattheene, nllapo nowaahokollosella adaniiwa. Nsupada niwa nineerewoononga, nineerovona ni olezela nikhame. Apwiya Amasiva Mattheene ennavelleella mukutho, ompoto, vakhuviru ni muhinje wa Yufurate.

Nahumu 3:7

Attheene oowoona eneerekewuuthawa wi, ‘Ninive ootthattuwa ntepe, anaamwinllelle ttaani?’ Kinaamukuse wuuwi awuukhurumusa murima?”

Nahumu 3:18

We mwene a Asiriya, abusaawo enimakona, oohoollellaawo enimakwindima. Athwaawo yoomwareyella omiyaangoni, khaavo naari mmodda awaatthukumaniha.

Deuteronomo 32:41

wi kineerewaandusa nsupada naka noosherima, nave kineerewoonesesa wi echilungamo yoheereya. Adanaaka kineerewaahokollosella ddoonanara, awiitana ni miyaano kineerewaallaka.

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Habakuku 2:8

Ekaamba yawi waawaakha athu a mitundu ddinchichi athu oohalla eneerowaakhattho ekaamba yawi woowiipha ni oweerella ekuku athu a va ellapo yavatthi ni mizinda ddiwa.