Yeremiya 50:12 - Mawu a Mulluku

¹² muzindaanyu oneerowullihiwa muru wunchichi. Muzinda oyo tti wonanko amowaanyu oneeronyaambusiwa. Ddawoona, Ababiloni enaakhalle oomallihella mwa mitundu ddittheddene dda athu. Mizinda ddiwa ddinaakhalle wonanko nihaka apaalle ellapo yawumma yeechipululu.

Yeremiya 50:12 ပူးပေါင်းရင်းမြစ်များ

Yeremiya 51:43

Mizinda ddaye ddootthattuwa matepe, ellapo yawumma ni yeechipululu, ellapo yoohikhalla ni athu apaalle weetamo arive muthu.

Yawuupullulla 17:5

Vayuuchini vaye vaalembiwa nnddina noohidduwanyeya ottaphullella wiwa nawi, “Babiloni oovuwa, ameewa a mahule mattheene ni a ddoonanara dda va ellapo yavatthi.”

Agalatiya 4:26

Koma Yerusalemu ooddullu, oyo ahiri kaporo tti ameehu.

Yeremiya 49:2

Koma enthawi enimawa mvo kineeriheemi okhuwa wa ekhoto o Raba, muzinda muullupalli wa Amoni. Muzinda yoolla oneerotthattuwa ntepe noohikhalla ni athu nave mizi ddiwa ddineerewoosiwa. Sika Israele aneerowaakha adani ayo yamwaakhille ddaaye.

Yeremiya 25:26

wa mamwene mattheene a ompoto, a vakhuviru ni awoorekama ovenyera wa mmodda ophiyera wa mmodda. Nave yawirya attheenaalla, voomallihellani anaawirye tti mwene a o Babiloni.

Yeremiya 25:12

Miyakha 70 ddamalla, kineeromullaka mwene a o Babiloni ni athwaaye ekaamba ya ddoonanara ddiwa nave ellapwiiwa kineeroyitthattusa ntepe wa enthawi yoohimalla.

Yesaya 23:13

Ngoonani ellapo ya Ababiloni, athwaalla kheyiivottho, yaatthollowa. Aasiriya sika emutthattusalle Tiro wi akhalle nipuro na enama ddawoopiha. Yaamaka mattatthiiwa akhoto, ekumulla mipanda ddiwa nave ewutthattusa ntepe.

Yesaya 14:22

Apwiya Amasiva Mattheene enallota wi, “Kineerowuhella ekhoto muzinda wa Babiloni ni otthollosa nnddina naye ni attheene oohallamo, khavivulluwa anamwani ni edduullu ddene. Mi Apwiya koollota.

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Yeremiya 15:9

Moowe a anamwani atthanu ni eelli oongomowa, anavumella muddullu. Epiphi yommorella otthaana, oowullihiwa muru nave murima onimamvoreya. Oohalla attheene kineerewaavelleella wa adani wi ewiiphe ni nsupada. Mi Apwiya koollota.”

Yeremiya 22:6

Alla tti mawu a Apwiya oollota dda enyumba ya omwene ya o Yuda awi, “Naari kuukondaka wonanko Giliyadi apaalle wonanko etthoka ya mwaango wa Lebanoni komave kineerewuutthattusa ntepe, muzinda woohikhalla ni athu.

Yeremiya 51:47

Vano enthawi enimawa mvo kinaallakeemi mafano a Babiloni. Ellapo ettheene eneerowulliwa muru nave athwaaye attheene eneerewiiphiwa.