Yeremiya 50:11 - Mawu a Mulluku

¹¹ “Nyu Ababiloni, mwahoononga yoohallanaaka. Naari mweelliweve murima, muhakallalleve, mulluphellupheve wonanko musaanaang'ombe oomuuputha tirigu apaalle mwinlleve mwawiitukhulla wonanko akavalo,

Yeremiya 50:11 ပူးပေါင်းရင်းမြစ်များ

Yesaya 47:6

Kahaashella murima athwaaka, kahaahambulla wonanko khe yoohallanaaka. Kahaavelleella m'mattani mwawo, weyaano khewaaweerelle echifundo waawummella murima naari awuulluvalla.

Zekariya 14:12

Apwiya eneerorumiha ereta yawoopiha va mitundu dda athu nnddo ddamuhella ekhoto Yerusalemu. Ereteene enaakhalle yawuntiha mwiilli muthu eetaka, miittho eri munipuroni mwiwa navettho nllumi niri muwano.

Obadiya 1:12

Khawaaphwanenlle onyemulla otulli wa mbalaawo. Khawaaphwanenlle othapella woonongiwa wa athu a o Yuda. Khawaaphwanenlle waattheya mvo yaariiwa mu ddookatamiha.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Hoseya 10:11

Khalle Efuremu aari wonanko eng'ombe yoohuddihiwa phaama eyo yamuuputhesa tirigu. Vano mu nikohi niwa nooreera koohiyamo nigoli.* Kinapaalla wi Yuda atipuleke nave Yakobo apweseke mallokotomwa.

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Yeremiya 50:27

Muwiiphe ni waatthollosa asombwe akhoto attheene. Otulli wohaamorella vawi nllapo nawi ellakiwe noophiya.”

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 46:21

Akhoto aganyu ariiyena, tti wonanko asaanaang'ombe ooneneva. Alliwattho aahokollweella mutulli nave aathawa vamodda, khaavo allipihenlle. Ddawoona, enthawi ya otulli yahaamorella, sika enthawi yawaallaka.

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Yeremiya 5:8

Arive muthu anamuthamakella mwaara a mukhwaaye wonanko akavalo oovona ni oovihesesa mwiilli.

Miyambo 17:5

Oyo anamweerella epewe oohoowa anamuvevulla oyo amuphatusalle nave anahakallalla ni otulli aneerollakiwa.

Masalimo 22:12

Adanaaka anchichi amasiva aakaapheella, aakuupa wonanko anankhoro a enari.

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

Yesaya 47:8

We ooddivelliwa ddoohakallalliha, iwesesa nndda, we ookhalla vamurendelleni, oollota m'murimani mwawo wi, ‘Tti meeneve, khaavottho mmodda opatula miyaano, ngiwa kikhalla naamukhwelle, anaaka khewa ekhwa.’

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Yeremiya 46:20

Iguputo ari wonanko musaanaang'ombe ooreera, koma mwiikaanga woovenyera ompoto oneerommorella.

Ezekiele 35:15

Moollikana ni mmo mwahakallallelleenyu ni omora yoohallana ya enyumba ya Israele, miyaano kineeroweerellani emoddamoddave yeeyo. We mwaango wa Seiri ni ellapo ettheene ya Edomu oneerotthattuwa ntepe. Vano athu attheene eneerodduwella wi mi tti Apwiya Mulluku.”

Ezekiele 36:5

Mi Apwiya Mulluku kookhalla killotaka kishille murima owiipa mullatu athu a mitundu ddimodda ddittheddene monga Edomu. Alliwa moohakallalla wunchichi navettho moovevulla yahaakha ellapo ettheene eyitthattusa yayiwa, ekusa ni mapuro oochihella enameene.’

Habakuku 1:15

Ababiloni ennaamedda athu ni embeza, ennaapharella m'mathavini mwiwa wonanko ehomba. Enaapurullella mu millapa ddiwa, ennahakallalla ni othapella.