Yeremiya 50:10 - Mawu a Mulluku

¹⁰ Ababiloni eneerewaakhiwa ddayiwa nave attheene oowaakha eneerovona. Mi Apwiya koollota.”

Yeremiya 50:10 ပူးပေါင်းရင်းမြစ်များ

Yeremiya 25:12

Miyakha 70 ddamalla, kineeromullaka mwene a o Babiloni ni athwaaye ekaamba ya ddoonanara ddiwa nave ellapwiiwa kineeroyitthattusa ntepe wa enthawi yoohimalla.

Yawuupullulla 17:16

Manyaka khumi woonilleewe ni enama yuullupalli yawoopiha, ddineerewiitana ni hulooyo. Eneeromwaakha erive ello ariiyena eneeromuhiya ari epwillimwinddive, eneerottakhuna mwiillaaye nave eneeromwiipha voomoosani munllo.

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Yesaya 45:3

Kineerewuuvaha eyuuma yawiipittheya, ddoowallamella mutengo munipuroni noovittheya sika oneerodduwella wi mi tti Apwiya Mulluku a Israele oyo kinawiithana ni nnddina nawo.

Yesaya 33:23

Mikwe dda ekallawa dda adanaahu ddoottaphuwa wawi khaddiwora ollipiha mulongotiiwa nave embenderiiwa khettaphuruwa. Sika ddawaakha ddahu ddineerewaata wunchichi wawi vookawanani naari oorakalla eneerototavo ello.

Yesaya 33:4

Athu ennatthukumaniha ddawaakha ni oddilluphella wonanko aneerella nazombe.

Yeremiya 50:26

Muwane ni Babiloni ovenyera o embali ddittheddene nave muhulle ekhokwe ddaye. Athwaaye muwuukellelle wonanko mapwiddi a tirigu nave mwaatthollose wi vihikhalle naari mmodda oovulluwa.

Yeremiya 51:24

Apwiya enallota wi, “Nyu moonaka, kineeromuhokollosella ddoonanara Babiloni ni attheene ookhallamo ekaamba ya machimo mattheene eerilleeye o Ziyoni. Mi Apwiya koollota.”

Yeremiya 51:35

Athu a o Ziyoni ellote wi, “Ekuku Ababiloni yaneerelliiwa ni aniihu yaahokollweelle!” Athu ookhalla o Yerusalemu ellote wi, “Nikhame nahu nno natathilleye naamorelle Ababiloni monga ollakiwa wiwa.”

Ezekiele 11:24

Vatulli viwa Munepa a Mulluku aakitukhulla akiphiyiha wa akaporo a mu Babiloni. Ddittheddenenndda ddeereya m'masomphenya moollikana ni mmo Munepa a Mulluku akoonihelleeye. Vano ddeko nnddo kaddooneemi ddahaamba othiima.

Yeremiya 50:37

Nsupada nimorelle va akavalwaaye ni va magaretaaye, nimorellettho va milloko dda akhoto eelleto wi ekhalleke wonanko atthiyana. Nsupada nimorelle va eyuumaaye ettheene wi yaakhiwe.

Habakuku 2:8

Ekaamba yawi waawaakha athu a mitundu ddinchichi athu oohalla eneerowaakhattho ekaamba yawi woowiipha ni oweerella ekuku athu a va ellapo yavatthi ni mizinda ddiwa.