Yeremiya 5:9 - Mawu a Mulluku

⁹ Ethiyo ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla?

Yeremiya 5:9 ပူးပေါင်းရင်းမြစ်များ

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”

Yeremiya 5:29

“Koma mi Apwiya kinallota wi, ‘Ethiyo sika ttuulephela waallaka ekaamba ya ddenndda, oohiwuhokollosella ddoonanara mutundu wawi ddiiddoolla?’

Nahumu 1:2

Apwiya tti Mulluku eehache ni oohokollosella ddoonanara, tti oollaka ni oowalli, ennaahokollosella ddoonanara oowaavaanyiha, ennaashella murima adaniiwa.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Ezekiele 7:9

Ngiweerellani echifundo apaalle wuumorellani ethakaraka. Kineerewuullakani ekaamba ya ddaweera ddanyu navettho ekaamba ya ddoonanara nnddo ddiri va nyuwaano. Vano muneerodduwella wi mi tti Apwiya ayo enuullakani.’ ”

Maliro 4:22

Nyu anamwani aatthiyana, Ziyoni, ollakiwa wa machimwaanyu woomalla, Apwiya kheyoonjerera okaporwaanyu. Koma nyu athu a o Edomu, Apwiya eneerewuullakani ekaamba ya machimwaanyu, eneerewoonihella vaweella ddoonanara ddanyu.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 23:2

Ekaamba ya yeella Apwiya Mulluku a Israele enallota dda abusa awaawehera athwiiwa wi, “Moopallallesa ni omwara enkhosa ddaka nave khamunaddipwatha phaama. Sika kineerewuullakani ekaamba ya ddoonanara ddanyu.

Yesaya 1:24

Sika Apwiya Mulluku Amasiva Mattheene, Amasiva a Israele, enallota wi, “We ootulli, oollipana ni miyaano kineerewaatthollosa, adanaaka kineerewaahokollosella ddoonanara.

Deuteronomo 32:43

“Ariiheni athu a Apwiya, nyu mitundu dda athu. Apwiya ennaallaka attheene oowiipha athwiiwa, ennaahokollosella adaniiwa, ennavenyiha nichimo mwiillaponi mwa athwiiwa.”

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

Yesaya 57:6

Munaakusa malluku oosalala a mutapo munaallapella wonanko milluku. Munavelleella dda ddoowirya ni dda ddoocha. Ethiyo ddenndda ttuukiddivella?

Yeremiya 5:10

Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.

Yeremiya 32:31

Muzinda yoolla wookishiha murima ni ottatthamulla owallaaka ovenyera enthawi yawumakilliiwa ophiyera ollello. Ekaamba ya yeella, kineerowuvenyihevo vamiitthoni vaka.

Maliro 3:42

“Hi noochimwa nave noowukila nave nyuwaano khamukhululukalle.”

Levitiko 18:25

Ddenndda ddaaripiha ellapo sika wi kaallaka nichimo niwa nave ellapweeyo yahaarapheya athu ookhalla mwemmo.

Miyambo 6:29

Sika tti emoddamoddave yeeyo wa mullopwana oyo anakona ni mwaara a mukhwaaye. Khaavo muthu ahinaallakiwe amuttannyille mwaara a mukhwaaye.

Yeremiya 6:6

Apwiya Amasiva Mattheene ahaalamula mamwene mattheenaalla wi, “Uhani miteekho dda mu Yerusalemu nave muzindoolla muwumakelle mikhuttu ddakhoto. Muzinda yoolla tti woophwanella ollakiwa mooddalla ddoohoosa.

Yeremiya 6:11

Sika ekaambiiwa kooddalla ni osha murima wa Apwiya, ngiwora owusunga.” Vano Apwiya yaallota ni miyaano wi, “Ithellella osha murimanko va anamwani aweeta m'musewuni ni va mutthukumano wa asombwe vawi naari mullopwana ni mwaariye, a embwi ni awuulluvalla wunchichi eneerophariwa.

Yeremiya 9:8

Nllumi niwa niri wonanko mpaamba wootthokowa, enthawi ddittheddene ennakhallella woottha. Arive muthu annallota mwamurendelle ni mukhwaaye, koma m'murimani mwaye muddanlle echiwembu.