Yeremiya 5:7 - Mawu a Mulluku

⁷ Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Yeremiya 5:7 ပူးပေါင်းရင်းမြစ်များ

Agalatiya 4:8

Khalle khamwamudduwenlle Mulluku, sika mwaari akaporo a ddoophatusiwa ddoohikhalla milluku.

Yeremiya 2:11

Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”

Hoseya 13:6

Kahaachiha evona koma evonille yahiitukhulla nave yaakitiwalla.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Hoseya 7:4

Attheenaayo tti oohiroromelleya wiita wiwa tti wookhara wonanko munllo wa mu ufuni oyo oomwaapeya buledi ahinattettheereeye waambeella ovillika mitthi dda buledi ophiyera buledooyo afufumalle.

Hoseya 4:2

Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

Ezekiele 22:11

amodda ennararuwa ni awara a akhwiiwa, amodda ennakonana ni avokohiiwa, amoddattho ennakonana ni arokoriwa, anamwani a attiitthiiwa.

Yeremiya 13:27

Kohoona ddoonanara ddanyu, oraruwa wanyu, minkhella ddanyu ni ohulaanyu omiyaangoni ni ohakani. Otulli nyu a o Yerusalemu! Ethiyo munaakhalleve ooheellihiwa ophiyera niini?

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Yeremiya 3:19

Apwiya enallota wi, “We Israele, ddeerokiddivella wuuhiya variyari va anaaka, wi kuuvahe ellapo yaphaama, yoohallana yooreeresesa okhwaranya ellapo ya mitundu ddimodda dda athu. Kapaalla wi mukeereke attiitthi, wi khamuwa mukihiyattho miyaano.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Masalimo 50:18

Wamoona mullupaawiiya onnatthattuwa mukhwaaye, oneeta ni athu a echigololo.

Levitiko 20:10

“Muthu araruwa ni mwaara amwaneena, mullopwanooyo ni mutthiyanooyo attheene yiiphiwe.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

2 Epilli 13:9

Ethiyo nyu khemwaawiikarihalle allupa mukutho a Apwiya, anamwani a Aroni ni Alevi mwiitthoollella allupa mukutho wonanko mmo eneerella athu amodda amwiillaponimmo? Arive muthu anawa wi iivelleelle yeekha ni nankhoro a eng'ombe apaalle anankhoro atthanu ni eelli a enkhosa annakhalla mullupa mukutho a ddeko nnddo ddihiri milluku.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 16:11

Vano weyaano waakhulle wi, ‘Ekaambiiwa tti yawi makhollwaanyu yaakihiya mi Apwiya. Yaathwara milluku ddimodda enaddirumeyella ni oddillapella. Yaakihiya miyaano nave kheyiiwellenlle malamulwaaka.

Yeremiya 16:20

Ethiyo muthu ttuuwora wiipangella milluku ddawoona? Apanga, kheddikhalla milluku.”

Maliro 3:42

“Hi noochimwa nave noowukila nave nyuwaano khamukhululukalle.”

Yobu 31:12

Vawi tti wonanko mallumi amunllo ophiya o gehena, wooshellelliha vamodda ni misisi ddittheddene kiriimina.

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.