Yeremiya 5:6 - Mawu a Mulluku

⁶ Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yeremiya 5:6 ပူးပေါင်းရင်းမြစ်များ

Zefaniya 3:3

Enduna ddaye ddaanathuruma muwari mwiwa wonanko mikango, aweeruzaaye yaari wonanko akhatwe aweeteeta misikuwa, oohihiya nikhuva wi niphiyere ohinase.

Habakuku 1:8

Akavalwiiwa tti oothamaka okhwaranya ananthavi, awoopiha okhwaranya mimbulu mu echipululu. Oowella va akavalo ennathamaka ovenyera wuuteete, ennaakuva ni okhwatthulla wonanko mpungu onaphara enama.

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Ezekiele 22:27

Oohoollellaaye tti wonanko akhatwe ookhaddulla enama, ennakhumiha nikhame ni woononga okumi wa athu wi ephwanye mphuro woonanara.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Daniele 7:6

Vatulli viwa kiwehaka ddiiddo, kahoona yookumi emodda wonanko nanthavi eri ni muuphello masese eepallame vamutthanani viwa. Yookumi yeella yaari ni miru misese nave yaavahiwa masiva oolamulella.

Daniele 7:4

Yawaamba yaari wonanko mukango koma yaakhalla ni muuphello wonanko echiwombankhanga. Miyaano kiwehaka, muuphellwaaye yahuudduwa nave yookumeeyo yahiimesiwa ni manyallo meelli wonanko muthu nave yaavahiwa ezeru wonanko muthu.”

Ezekiele 23:19

Nave aanararuwa moohihiyerera uupuwellaka ddooraruwa nnddo eereeye ari hule o Iguputo mvo aariiye namwalli.

Ezekiele 16:25

Waamaka va orive musewu. Vano waananariha oreera wawo vawiivelleellani wa arive muthu oovira. Wookhalla oraruwaka mooheerengeya.

Maliro 1:5

Adanaaye aatthattuwa oomulamulella, awiitana ni olliye eri vaphaama, vawi Apwiya aamukakhella mu ddookatamiha ekaamba ya machimo manchichi a athwaaye. Anaaye aamuhiya, aakusiwa okaporo ni adani.

Yeremiya 49:19

Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Aedomu woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Yeremiya 30:24

Owalli wa Apwiya khowa ovenyavo ophiyera omallihalle weera ddittheddene nnddo murima wa Apwiya onapaalliiwa. Mallapo enawaayo athu a Apwiya eneerewiiwesesa ddenndda.

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Yeremiya 25:38

Apwiya ahaahiya athwiiwa wonanko mukango woohiya nikhungu niwa nave ellapwiiwa yootthattuwa ntepe ekaamba ya ddoohoosa dda ekhoto ni osha murima wawoopiha wa Apwiya.

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yeremiya 2:15

Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.

Yesaya 59:12

“Nyu Apwiya, nohuuchimwellani wunchichi vawi machimwaahu ennanivaanyiha, ddoolakwa ddiri va hiyaano nave ninnadduwella phaama.

Masalimo 104:20

Munnaphatusa epiphi ekhalla mahiiyu, enama ddamuhakani ddinnakhuma.

Ezara 10:10

Nave Ezara mullupa mukutho aavenya allota wi, “Mookhalla oohiroromelleya vawi mohaatthella atthiyana eelleto mwawi mohaanjerera machimo a Aisraele.

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

Numeri 32:14

Vano nyuwaano mbado wanaanweene wa athu oochimwa muri wonanko makhollwaanyu vawi munapaalla wi mwaanjerere osha murima wawoopiha wa Apwiya va Aisraele.

Masalimo 80:13

Ekulluwe ddamuutthakoni ddinnawoononga, enama ddamuhakani ddinnawucha.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 30:15

Munakhupanyella tini ni nikhwata nanyunna? Nikhwata nanyu khaninavolle. Mullatwaanyu tti muullupalli, machimwaanyu tti manchichi, sika ekaambiiwa kiweerelleemini ddenndda.

2 Epilli 36:14

Oohoollella attheene a allupa mukutho ni athu amodda yaheera ddoohiroromelleya ddinchichi voothwarani ddoonanara dda athu. Nave yaaripiha enyumba ya Apwiya ayo yiipatulelle khalle o Yerusalemu.

Yobu 10:16

Naari vawiillipihani meekha, munnakisaya wonanko mukango, munnakoopopiha ni masivaanyu.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yeremiya 8:7

Nasekwa annadduwella enthawi yoovava. Mukhunda, neenkhaare ni nikokoko ddinnadduwella enthawiiwa yootimullella olendo. Koma athwaaka khenadduwella malangizwaaka.