Yeremiya 5:5 - Mawu a Mulluku

⁵ Vano kineerooya wa oolamulella, kineerollota ni alliwa. Vawi alliwa sika enaadduwelle ettilla ya Apwiya, eniiwesesa ddoopaalla Mullukwiiwa. Koma kahoona wi yahinttaka nigoli* niwa, yaaphadda onyolwiiwa.

Yeremiya 5:5 ပူးပေါင်းရင်းမြစ်များ

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Luka 19:14

Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, ‘Hiyaano khaninapaalla wi muthu yoolla akhalle mwenaahu.’

Luka 18:24

Yesu oonilleeye wi aakhupanya wunchichi aallota wi, “Tti wookatamiha wi athu eeyuuma yavollowe mu omwene wa Mulluku!

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Eksodo 32:25

Mose ahoona wi athwaayo tti ookatamiha kaambiiwa Aroni ahaattumera ophiyera alliwaayo yaatthattuwa athu oovevulliwa vamiitthoni va adaniiwa.

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Ezekiele 11:2

Apwiya yaakilleella wi, “We mwaana a muthu, allopwana eellaalla tti ayo enapangana ddoonanara ni waalangiza athu ddoonanara m'muzindani.

2 Epilli 36:14

Oohoollella attheene a allupa mukutho ni athu amodda yaheera ddoohiroromelleya ddinchichi voothwarani ddoonanara dda athu. Nave yaaripiha enyumba ya Apwiya ayo yiipatulelle khalle o Yerusalemu.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yeremiya 8:7

Nasekwa annadduwella enthawi yoovava. Mukhunda, neenkhaare ni nikokoko ddinnadduwella enthawiiwa yootimullella olendo. Koma athwaaka khenadduwella malangizwaaka.

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.