Yeremiya 5:31 - Mawu a Mulluku

³¹ Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yeremiya 5:31 ပူးပေါင်းရင်းမြစ်များ

Ezekiele 13:6

Anamallotellaayo ennallotella ddawoottha nave ennoombesa ddawaahollosa. Ennallota wi, ‘Enallota tti Apwiya koma Apwiya ehimurumalle naari vang'ono.’ Koma enatiyera wi ddennddo ddineereweereya.

Yeremiya 14:14

Koma Apwiya yaakaakhulla wi, “Ddawi anamallotellaayo ennallotella mu nnddina naka tti ddawoottha. Ngaatthoollille apaalle waaruma apaalle ollota ni alliwaayo. Alliwa enallotella ddawoottha nnddo eneeriiwa eddoonille m'masomphenya. Enoombesa mwawoottha, nnddo enallotiiwa tti dda m'muruni mwiwa.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Ezekiele 22:14

Ethiyo murimaawo ttuukhallave woollipa nave mattaawo ttuukhallave amasiva kamalliha wuullaka? Mi Apwiya Mulluku koollota nave kineereweera.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Mika 2:6

“Athu enakilleella wi, ‘Muhinillalleyelle, muthu ahinillalleyelle ddenndda vawi khaniwa niwulliwa muru.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Yesaya 20:6

Nllapo nenno athu ookhalla mukhwipi mwa enyanja eneerollota wi, ‘Ngoonani nnddo ddiweereyelle alle naatiyereehu ni othawellawo wi enikavihere ni onivullusa wa mwene a o Asiriya. Vano ninaavulluwe mwawiidde?’ ”

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Yesaya 43:27

Nikhollo nawo nawaamba naachimwa, oohoollellaawo yaakilakwella,

Yesaya 47:7

Waganiza wi enthawi ddittheddene onaakhalle mwene aamutthiyana, mwawi ddeko ddenndda khewaaddipwathille m'murimani mwawo, khewaaganizerettho mmo ddinaamallelliiwa.

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Yeremiya 26:7

Allupa mukutho, anamallotella ni athu attheene yaamwiiwa Yeremiya allotaka mawu yaalla mu enyumba ya Apwiya.

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Maliro 4:18

Athu yaananithwara manyallo, khenaaworattho weeta m'misewuni ddahu. Mallapwaahu yaanayeva, okhwa wahu wahaatamella, omalla wahu waaphiya.

Hoseya 4:9

Vano allupa mukuthwaayo kineeroweerella nnddo kinaaweerelleemi athu. Kineerewaallaka ekaamba ya makhallellwiiwa oonanara ni waahokollosella mitteko ddiwa ddoonanara.

Hoseya 6:10

Variyari va Aisraele kohoonavo ello yoonanara. Aefuremu yaanararuwa, Aisraele yahiiripiha.

Hoseya 9:5

Ethiyo nllapo nootthoolleya na Apwiya, nllapo na ehakallallo, athu enaaweere tini?

Deuteronomo 32:20

Nave yaallota wi, ‘Kineerewaareya etulli, kineerewoona eyo enaamorelle vawi alliwa tti mbado wawoottha, tti anamwani oohiroromelleya.

1 Mamwene 22:6

Vano mwene Ahabu ahaatthukumaniha anamallotellaaye 400 aakoha wi, “Ethiyo kiye kawane ekhoto ni Ramoti Giliyadi apaalle kihiyeewo?” Anamallotellaayo yaamulleella wi, “Khaweni vawi Apwiya eneerowuvelleella muzindooyo m'mattani mwanyu.”

Miyambo 17:4

Athu oonanara ennaapella maaru eyano yoonanara nave awoottha enniiwellella nllumi nawiisha.

Ezekiele 13:10

“Ddawoona, anamallotella yaanaahollosa voollotani wi oneerokhalla murendelle koma ohiri murendelle nave athu yamaka esiri yoohillipa nave anamallotella yaanayireeriha ni otooto waweella.

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.