Yeremiya 5:3 - Mawu a Mulluku

³ Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yeremiya 5:3 ပူးပေါင်းရင်းမြစ်များ

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Zefaniya 3:7

Kaganiza wi athwaaka ennakoova, khetiwalla malamulwaaka, eneerewuupuwella ehuddihwaaka. Koma sika vano ettepilliiwa weera ddoonanara va mitteko ddiwa ddittheddene.”

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Yesaya 42:25

Sika yaanishella murima wunchichi, yaanihoosa ni ekhoto. Yaahella munllo virive veko voonaapheella, koma hiyaano oohiiwesesa. Munllo waanishellelliha, koma hiyaano oohihudderavo ello.

Aheberi 12:9

Attiitthiihu a ellapo yavattheella ennanillaka nave ninnaavaha olemu. Ethiyo yookatamiha ttiivi omugonjella Mulluku, Attiitthiihu m'munepani wi nikhalle ni okumi?

Aroma 2:2

Attheene ninnadduwella wi echiweruzo ya Mulluku va athu eneera ddeko ddenndda tti yawoona.

Ezekiele 24:13

Murawa yoolla tti minkhella dda oraruwa wawo, kahuuhuwa koma khawaaweellille. Vano khaweella ophiyera osha murima waka okwakhwanihiwe va weyaano.

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

Yesaya 48:4

Kaadduwella wi weyaano tti awumma murima, awummiha nikohi wonanko mukoko.

Miyambo 27:22

Naari mumutthitte ni mwitthi mwiirawini muthu ookarangeya vamodda ni eddoro, okarangeya waye khotthitteya.

Miyambo 23:35

Oneerollota wi, “Yaakuukutha koma ngaaphoreyille, yaakivadda koma ngaawoonille ovoreya. Kinaavenye enthawi tini? Kineerewaashaashattho yoowirya emodda.”

Miyambo 22:12

Apwiya ennaapwatha oodduwella koma ennaalepheliha mawu a muthu oohiroromelleya.

Miyambo 21:29

Muthu oonanara anneesa wooneya wonanko oollipa murima koma ooreera murima annapotokosa meetellwaaye.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

2 Epilli 28:22

Va enthawi ya ddookatamiha ddaye, Ahazi aavirellella ohiroromelleya wa Apwiya.

Levitiko 26:23

“Mwaahihokollweella wa miyaano kuullakilleni ddiidda nave mwavirellella weera ddoovaanyihana ni miyaano,

2 Mamwene 1:13

Mwene aamurumattho akhoto muullupalli mmodda aneeraru ni akhotwaaye 50. Koma olliye aaya akokhora vamiitthoni va Eliya amuveka wi, “Nyu muthu a Mulluku, pepaani, kinimuuvekani wi mukeerelle echifundo, mi ni athwaaka muhinoononge.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 35:13

allote wa athu a o Yuda ni Yerusalemu wi, “Mi Apwiya Amasiva Mattheene kinuukohani wi ethiyo kaambiiwa tini muhinaakhullelleenyu ohumullulliwa ni wiiwa mawaaka?

Ezekiele 2:4

Athu yaalla tti awuumiha murima ni oohiiwellella. Kinuuruma wi wallote nnddo mi Apwiya Mulluku kinuulleelleemi.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.

Amosi 4:6

“Tti miyaano kuurumihelleni ettalla m'mizindani ddanyu ddittheddene ni orama wa ddoocha m'mapuroni mwanyu mutthemwene koma khemwaahokollweelle wa miyaano. Mi Apwiya koollota.

Genesis 19:34

Ohinase wene mwaana muullupallooyo aamulleella mung'onong'onwaayoolle wi, “Miyaano mahiiyu evirallaalla kaakona ni attiitthiihu. Hanko naalezelihettho nave weyaanottho mahiiywaalla okonena wi mutundwaahu ohimalle.”

1 Mamwene 13:33

Naari ddaari ddiiddo, mwene Yerobowamu a o Israele khaahiyalle weera ddoonanara koma aavirellella waatthoolla athu shisha monga allupa mukutho mapurwaaye amallapello. Aanamuzoza arive muthu apaalla okhalla mullupa mukutho.

Masalimo 51:8

Mukeerihe wi kihakallalle nave kittheye, naari mukipwesillepwesille makhuva, mukaakhullelle kihakallallettho.

Masalimo 55:20

Mukhwaaka annaallika akhwaaye otathilla echipanganwaaye.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yeremiya 15:7

Kahaapallallesella nngu ni nngu, wonanko mmo eneerelliiwa vooveethani ni etthello. Kaawoononga athwaaka ni aniiwa kaambiiwa kheyaapanlle ohiya ddoonanara ddiwa.

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Yeremiya 44:10

Koma ophiyera ollello khamunalape, khamunakoova nave khamuthwanre malamulwaaka ayo kawinnyalleemini nyuwaano ni makhollwaanyu.

Amosi 4:8

Athu a mizinda miilli apaalle miraru yaanaya o muzinda mmodda wi yaashaashe maaddi koma kheyaakwakhwanella. Komave khemwaahokollweelle wa miyaano. Mi Apwiya koollota.”

Amosi 4:9

“Kahummiha mmiddwaanyu ni ereta owaaka nkhuwawe, nazombe ahoononga emata ddanyu ddittheddene ni ddampesa, miteekho ddanyu ddanamukuyu ni dda olivi komave khemwaahokollweelle wa miyaano. Mi Apwiya koollota.”

Amosi 4:10

“Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”