Yeremiya 5:22 - Mawu a Mulluku

²² Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Yeremiya 5:22 ပူးပေါင်းရင်းမြစ်များ

Masalimo 104:9

Maaddaayo mwahaalembella maliriiwa wi ehikhwaranyevo, wi ehihuruwellettho ellapo yavatthi.

Yobu 26:10

Oolemba malire vamaaddini wonanko muura, oohiyaniha variyari va owala ni epiphi.

Miyambo 8:29

Yaphaddiiwa malire a enyanja wi maaddi ehilluphe, yakeraatthihiiwa matthipello a ellapo yavatthi.

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Deuteronomo 28:58

“Mwiiwellelleke moororomelleya malamulo mattheene ayo elembiwe mu nibukhunna wi mooveke nnddina noottikhiniha ni nawoopiha na Apwiya Mullukwaanyu.

Nahumu 1:4

Yahumullulla enyanja, ennumma, ennummihattho mihinje ddittheddene. Ddoomella dda o Bashani ni Karimele ddinnumma, malluwa o Lebanoni ennanyaalla.

Yeremiya 10:7

Ttaani oyo ahinaawooveni, nyu mwene a mitundu dda athu? Vawi munnaphwanella wooviwa. Variyari va eezeru attheene ni va mamwene mattheene a va ellapo yavatthi, khaavo mmoddattho oollikana ni nyuwaano.

Mariko 4:39

Vano aavenya asimwella ephevweeyo nave aallota wa maaddaayo wi, “Okhurumuwe! Omaalle!” Vano ephevweeyo yaamaalla nave vaakhalla okhurumuwa wuullupalli.

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Amosi 9:6

ennamaka mapurwiiwa ookhallamo oddullu, ennahiyera murapo wonanko eddullu ya ellapo yavatthi, enniithana maaddi a o enyanja wi ewiithelle va ellapo yavatthi, nnddina niwa tti Apwiya.”

Masalimo 99:1

Apwiya tti mwene, mitundu dda athu dditthukumelle! Ennakeraatthi variyari va akerubi,* ellapo yavatthi etikheye!

Masalimo 33:7

Yahaatthukumaniha vamodda maaddi a mu enyanja yoowallamella, yaahiyella mookomella mwiwa wi ehisefukelle.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Luka 12:5

Kineerewuutthoonyiherani oophwanella omoova. Mumooveke Mulluku oyo iipha mwiilli annakhallattho ni olamulello womuvokha muthu mu gehena. Kikhulupilileni miyaano, kinimuulleellani ddawoona wi yooyo sika munaphwanelleenyu wi mumooveke!

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Genesis 1:9

Vano Mulluku aallota wi, “Maaddi a vatthaalla etthukumane vamodda wi mutunda okhallevo,” nave nndda ddaheereyella mwemmo.

Yobu 38:8

Ethiyo ttaani ayiwallenlle enyanja ni machiwi, valle yaphulleyilliiwa wonanko enakhuma mwiirukulluni?

Masalimo 46:3

naari enyanja ddoopeke owalli ni okhuma niphoru, naari miyaango dditthukumelle ekaamba ya othuruma wa enyanja.

Yesaya 64:2

wonanko mmo munllo onashellihelliiwa nihaka navettho wonanko mmo onaviddullelliiwa maaddi wi adanaanyu yuudduwelleni nave wi athu a mitundu ddimodda etthukumelle vamiitthoni vanyu.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Amosi 4:12

“Nyu Aisraele, kineerewuullakani, sika nyu Aisraele, khozekellani okumana ni Mullukwaanyu.”

1 Mamwene 13:28

Vano aaya awuphwanya mutembo ori va musewuni nave bulu ni mukango ddiimenlle vakhwipi ni mutembooyo. Mukangooyo khawaattakhunne mutembooyo apaalle omukhaddulla buloolle

Yobu 37:24

Sika athu ennamoova olliye, khanampwatha arive muthu oyo aniilleka wi tti eezeru.”

Yeremiya 31:35

Apwiya ennoopiha nndduwa otthaana, ennawalihattho mweeri ni etheneeri mahiiyu. Ennaviddulla enyanja, wi mafundiiwa enyakulle, nnddina niwa tti Apwiya Amasiva Mattheene.

Yona 1:16

Vawoonani ddoottikhinihandda, aweetiha echombwaalle yaawoova wunchichi Apwiya. Vano yaalonjeza ovelleella moororomelleya ddeko yallupenlliiwa wa Apwiya.