Yeremiya 5:21 - Mawu a Mulluku

²¹ nyu anamwani ookarangeya, oohikhalla ni ezeru, apellani maaru. Miittho mookhallana koma khamunoona nave maaru mookhallana koma khamuniiwa.”

Yeremiya 5:21 ပူးပေါင်းရင်းမြစ်များ

Ezekiele 12:2

“We mwaana a muthu, onakhalla variyari va athu oowukila. Alliwa aakhallana miittho awoonella koma khenoona. Aakhallana maaru awiiwella koma kheniiwa.

Mitteko 28:26

Vawi aallota wi, ‘Khawe, wallote ni athwaalla wi, wiiwa munniiwa koma khamuniiwesesa woona munnoona koma khamudduwellesesa.

Aroma 11:8

wonanko mmo mawu a Mulluku enallotelliiwa wi, “Mulluku ahaavaha murima woohiiwesesa ddeko nave ophiyera ollello ooweeriha okhalla oohiiwa ni oohoona.”

Yohane 12:40

“Mulluku aaweeriha miitthwiiwa okhalla oohoona, ahummiha mirima ddiwa. Ddahaariki ddiiddo miitthwiiwa yaweerekowoona, nave mirima ddiwa ddeerekewiiwesesa, wi emurukunuwelle olliye wi aachirihe.”

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Mariko 8:18

Mookhalla ni miittho koma khamunoona? Mookhalla ni maaru koma khamuniiwa? Ethiyo khamunuupuwellave?

Yeremiya 8:7

Nasekwa annadduwella enthawi yoovava. Mukhunda, neenkhaare ni nikokoko ddinnadduwella enthawiiwa yootimullella olendo. Koma athwaaka khenadduwella malangizwaaka.

Yeremiya 5:4

Sika kaallota wi, “Alla tti ohoowa, khenna naari ezeru, khenadduwella ettilla ya Apwiya, kheniiwesesa nnddo Mullukwiiwa anapaalleeye.

Yesaya 44:18

Athu awi ddiidda khenadduwella ello nave kheniiwesesa naari vang'ono. Miitthwiiwa yoomarelliwa wi ehoonena. Khenna ezeru wi ehiiweseseke.

Masalimo 94:8

Nyu athu ookarangeya, iwesesani, nyu oolloddowa, ethiyo munaakhalle ni ezeru niini?

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Miyambo 17:16

M'mattani mwa muthu ookarangeya munakhallella tini makobiri ookullella ezeru murwaaye oheetaka phaama?

Deuteronomo 32:6

Ethiyo ttuuwaahokollosella ddawi ddiidda Apwiya, nyu athu ookarangeya ni ohikhalla ni ezeru? Ethiyo alliwa khe attiitthaanyu ayo yuuphatusalleni, ayo yuupangilleni ni wuukeraatthihani?”

Deuteronomo 29:4

Koma ophiyera ollello Apwiya khenuuvaheni murima wawiiwesesa apaalle miittho wi moone apaalle maaru wi mwiiwe.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Mariko 4:12

Nndda ddiri ddiidda wi, ‘Ennaweha, koma khenoonesesa, nave enniiwa, koma kheniiwesesa. Vawi yeerilleke ddiiddo yaaweerorukunuwella wa Mulluku nave aaweerewaakhululukella.’ ”

Aroma 1:20

Waambeella enthaweeyo Mulluku aphatuseeye ellapo yavatthi, makhallellwaaye oohooneya, ayo tti, masivaaye oohimalla ni omullukwaaye, oohooniwa. Yaalla enadduwanyeya oweella mwa ddeko ddoophatusiwa ni Mulluku. Sika athu yaalla khenna mawu oothawella!

Yesaya 43:8

Apwiya enallota wi, “Wiithaneni athwaaka o nthato namillatu. Miittho aakhallana koma khenoona, maaru aakhallana koma kheniiwa.

Yeremiya 5:20

Apwiya enallota wi, “Mullalleye wa edduullu dda Yakobo, mwaalleelle athu a o Yuda wi

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.

Deuteronomo 29:3

Mwahoonattho millilli ddawoopiha, ddoottikhiniha ni ezizindikiro nnddo Apwiya yeerilliiwa.

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.