Yeremiya 5:2 - Mawu a Mulluku

² Naari athu ellupellaka vamiitthoni va Apwiya Ookumi, komathi enallupella mwawoottha.

Yeremiya 5:2 ပူးပေါင်းရင်းမြစ်များ

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

2 Timoteo 3:5

Eneereke wooneya wonanko oollapella koma masiviiwa yahaakhoota. Athu yaayo ohaathwareke.

Hoseya 10:4

Mamwene enallota mawu oohikhalla ni mutteko. Ennallupella ni opangana ddawoottha. Echilungamo yootthattuwa ohilungama wonanko ophuwa wa makukhu oowaawa a m'matani.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

Levitiko 19:12

Muhinallupella mu nnddina naka mwawoottha ni oripiha nnddina na miyaano mullukwaanyu vaweerani ddiiddo. Mi tti Apwiya.

1 Timoteo 1:10

ooraruwa, ookonana ni allopwana akhwiiwa, oowaakulla athu, oowoottha, oovelleella omboni wawoottha nave ni arive muthu aneera erive ello yoovaanyana ni ehuddiho yawoona.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Yeremiya 44:26

Nyu Ayuda attheene a mu Iguputo, vano iwani mawu a Apwiya. Vawi Apwiya aallupella mu nnddina niwa noopambana wi mwa athu a o Yuda khaavo naari mmodda anaaromollettho nnddina nenna mu Iguputo wi, ‘Vamiitthoni va Apwiya Mulluku Ookumi.’

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.