Yeremiya 5:17 - Mawu a Mulluku

¹⁷ Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Yeremiya 5:17 ပူးပေါင်းရင်းမြစ်များ

Deuteronomo 28:33

Mutundu weelleto eneerowaakhani ddoohata ddanyu ddittheddene nnddo mwahoowilleenyuna ollima nave muneerovirellella opaniwa ni ohoosiwa.

Levitiko 26:16

kineeroweerellani ddawoopiha moorurumusa, ereta ddoohichiriheya navettho ereta yooviha mwiilli yawoononga miittho ni yoofookiha okumi. Muneerewaalla mmiddo ddanyu koma khamuphuravo ello vawi adanaanyu eneeroddicha.

Zefaniya 3:6

Apwiya enallota wi, “Kohoononga mitundu ddittheddene dda athu, mipanda ddiwa dda akhoto kooddikumulla. Misewu ddiwa kooddoononga kheyiivottho ayo enaaweetemo. Mizinda ddiwa ddootthattuwa ntepe, khaavo naari muthu mmodda oyo ahanllemo.

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Ezekiele 36:4

Sika ekaambiiwa nyuwaano, miyaango dda o Israele, iwani nnddo mi Apwiya Mulluku kinalloteemi wa miyaango ni asimiyaango, mitthipidda ni matapo, matepe ni mizinda ddoohiyiwa nnddo ddikhanlle ddaakhiwaka ni ovevulliwa ni athu a mitundu ddoowaapheella.

Maliro 2:2

Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 50:7

Arive muthu aaphwanyille aawoononga. Nave adaniiwa yaanallota wi, ‘Hi kheninna mullatu ekaamba yawi alliwaalla yahaachimwella Apwiya ayo eri vookhalla viwa vawoona, ayottho makhollwiiwa yaaroromelliiwa.’

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 4:26

Kaaweha nave ellapo ya ethaya yaphaama yaatthattuwa echipululu, mizinda ddiwa ddittheddene khemwaari erive ello ekaamba ya osha murima wa Apwiya.

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yeremiya 1:15

Ngoona, kineerowiithana athu a mitundu ddittheddene a moomwene ompoto. Mamweniiwa eneeroowa nave arive mwene aneerokeraatthiha mpandwaaye woomwene va millako dda Yerusalemu navettho vawaapheella mpanda. Alliwa eneerewaapheellattho mizinda ddittheddene dda Yuda.

Yesaya 65:22

Kheyaamakella enyumba athu amodda wi ekhallekemo nave kheyaalla mipesannddo wi athu amodda echeke ezipaso ddiwa. Athwaaka eneerokhalla ni okumi woorekama wonanko miteekho. Nave athwaaka ootthoolliwa eneerohakallalla ni mitteko dda mattiiwa enthawi yoorekama.

Yesaya 62:9

Koma nyu mwamwanlle ni omuhata, sika munaamuche buledi, muneerewaatitimiha Apwiya. Nyu mwapwatha miteekho ddampesa, ni orukulla ezipaso ddampesannddo sika munaamuwirye vinyo m'mathatoni a enyumbaaka.”

Yesaya 62:8

Apwiya yaallupella ni murimiiwa muttheene, eneerosunga ollupellanko ni masiviiwa. Yallotille wi, “Adanaawo khemuchattho tirigwaawo, alleto khemuwiryattho vinywaawo.

Yeremiya 5:18

Apwiya enallota wi, “Koma naari mallapo yaayo nguukokhollani.

Yeremiya 8:13

“Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Yeremiya 25:37

Makholla a enkhosa ayo yaari va murendelle eneerotthattuwa matepe ekaamba ya owalli wawoopiha wa Apwiya.

Maliro 2:12

Anamwanaayo enimawinllella ameewa wi, “Ethiyo yoocha ni maaddi ddiri wuuwi?” Enakoha ddenndda nngu engomowaka wonanko athu oohomiwa m'misewuni dda m'mizindani, elluwellaka vang'ono vang'ono m'mattani mwa ameewa.

Hoseya 2:12

Kineerewoononga miteekho ddaye ddampesa ni ddanamukuyu nnddo alloteeye wi, ‘Yaalla sika mallivellwaaka ayo ezibwenzi ddaka ddakivahilliiwa.’ Kineeroyitthattusa otthako nave enama ddamuhakani ddineerewoononga.

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’

Yowele 2:3

Munllo onnallandda muhoollo mwiwa, mutulli mwiwa, munllo onnaviha, owiitthoni wiwa ellapo tti wonanko emata ya Edeni, otulli wiwa tti wonanko echipululu moohikhalla ello, khaavo anaavulluwe.