Yeremiya 5:15 - Mawu a Mulluku

¹⁵ Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Yeremiya 5:15 ပူးပေါင်းရင်းမြစ်များ

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Yeremiya 4:16

Enallota wi, “Muchenjeze mitundu dda athu wi mudani animawa. Mullalleye wa Yerusalemu wi akhoto enimawa ovenyera o ellapo yawoorekama, eninakhuwa wi ehelle ekhoto mizinda dda Yuda.

Yesaya 33:19

Khamuwa muwoonattho athu eepewaalle, a ellotello yoohidduwanyeya, yeelleto ni yoohiiweya.

Yesaya 28:11

Ddawoona, Apwiya eneerewuuhuddihani oweella mwa athu a ellotello yeelleto, athu a mutundu mmodda.

Yesaya 5:26

Apwiya eneerewiimesa embendera wiithana mutundu wa athu oovenyera woorekama. Eneerowiithana athwaayo ni mutturu wi ewe ovenyera woomallihella wa ellapo yavatthi ettheene nave alliwa eneeroowa moothamaka wunchichi.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 1:15

Ngoona, kineerowiithana athu a mitundu ddittheddene a moomwene ompoto. Mamweniiwa eneeroowa nave arive mwene aneerokeraatthiha mpandwaaye woomwene va millako dda Yerusalemu navettho vawaapheella mpanda. Alliwa eneerewaapheellattho mizinda ddittheddene dda Yuda.

1 Akorinto 14:21

Mu mawu a Mulluku moolembiwa wi, Apwiya enallota wi, “Kineerollota wa athwaaka oyeella mu athu oollota ellotello ddoohidduwanyeya. Kineerollota oyeella mu eyano dda alleto, koma naari kenre ddiidda athwaaka khekiiwellella.”

Ezekiele 18:31

Tathillani ddoonanara ddanyu ddakhalle nnddo mwakichimwenlleenyuna. Mukhalle ni murima wanaanweene ni munepa wanaanweene. Nyu Aisraele munaakhwelle tini?

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Yeremiya 5:11

Athu a o Israele ni a o Yuda attheene tti oohiroromelleya vamiitthoni vaka, mi Apwiya koollota.”

Yeremiya 2:26

“Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Yesaya 29:6

Apwiya Amasiva Mattheene eneerewuuvullusa ni ogugudeya, echivomerezi ni onyakulla wuullupalli. Eneeromurumihattho namangalle, namondwe ni mallumi amunllo wawoononga.

Yesaya 29:3

Kineeromaka misasa mwawaapheella muzindooyo wonanko Davide. Mulluku aneerotthipella misasa ddoollipana ni muzindooyo. Nave kineerowaapheella ni mattattha ni mipanda ddakhoto ni omaka.

Yesaya 5:7

Israele sika emata yampesa ya Apwiya Amasiva Mattheene Yuda sika mpesaaye woohakallalliha. Apwiya yaatiyerella ddaphaama koma yoonille wiiphanana. Alliwa yaatiyerella echilungamo koma yiiwalle winlla wa oohoosiwa.”

Daniele 7:7

Vatulli viwa kahoonattho m'masomphenya a mahiiyu yookumi yaneesese. Yaari yawoopiha ni yootthukumelliha, yamasiva manchichi. Yaakhalla ni miino muullupalli amukoko nave yaanakhaddulla, ettakhuna vatulli viwa enyingallella ddoohalla ni manyallwiiwa. Yaahiyana ni ddookumi ddawaambanndde nave yaari ni manyaka khumi.

Genesis 11:7

Hankoni nikitthelle wenko wi navirikanihe ellotellwiiwa wi ehiiwananeke.”

Deuteronomo 28:33

Mutundu weelleto eneerowaakhani ddoohata ddanyu ddittheddene nnddo mwahoowilleenyuna ollima nave muneerovirellella opaniwa ni ohoosiwa.

Masalimo 81:5

Aanivelleella lamulonno wa edduullu dda Yosefe ddakhumiiwa mu ellapo ya Iguputo. Kinniiwa mawu ayo kihinawiiwekeemivo ovenyera khalle, awi,

Yesaya 39:3

Vano namallotella Yesaya aaya wa mwene Hezekiya amukoha wi, “Ethiyo athwaalle yuulleelleni ddawiidde nave yavenyenre wuuwi?” Hezekiya ahaakhulla wi, “Yavenyenre o ellapo yawoorekama, o Babiloni.”

Daniele 1:4

Asombwaalla yaphwanenlle okhalla ooreera, oohirakalla, eeruso va ezeru ddittheddene, oochenjera voodduwellani, oodduwella wiiwesesa ni oowora orumeyella o enyumba yoomwene, Yaahuddihe olemba ni ollota Ebabiloni.

Amosi 6:14

Koma Apwiya Mulluku Amasiva Mattheene enallota wi, “Kineerorumiha mulloko wakhoto weelleto wi wuuhelleni ekhoto nyu Aisraele. Eneerewuuhoosani waambeella voovollowella o Hamati ophiya o muhinje wa Araba omwera.”

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.