Yeremiya 5:10 - Mawu a Mulluku

¹⁰ Kineerewaarumiha adani wi yoononge emata dda mipesa ddiwa koma ehaakokholle. Yaphadde enthambi ddiwa vawi enthambinnddo kheddihiyo dda Apwiya.

Yeremiya 5:10 ပူးပေါင်းရင်းမြစ်များ

Yeremiya 4:27

Apwiya aallota wi ellapo yavatthi ettheene eneerotthattuwa echipululu komave kheyikokholla.

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Hoseya 1:9

Vano Apwiya yaamulleella Hoseya wi, “Omuvahe nnddina nawi, Khe Athwaaka. Vawi nyu Aisraele khamuhiyo athwaaka nave miyaano ngihiyo Mullukwaanyu.”

Yeremiya 39:8

Ababiloni yaahella munllo enyumba yoomwene, enyumba ya Apwiya ni enyumba ddimodda ddittheddene nave yaakumulla mpanda muttheene wa Yerusalemu.

Amosi 9:8

Mi Apwiya Mulluku, miitthwaaka eri va omwene woochimooyo nave kineerowoononga owuvenyiha va ellapo yavatthi koma ngitthollosa nibanja na Yakobo. Mi Apwiya koollota.”

Ezekiele 14:17

Mwaamodda kaarumihe ekhoto o ellapo yeeyo ni olamula wi eye yawoononge athu ni enama mwiillaponimmo.

Ezekiele 12:16

Koma kineerewaahiya athu aweerengeya wi evulluwe o ekhoto, ettalla ni mullilli wi yatthopoolle ddaweera ddiwa ddittheddene ddoonanara variyari va athu nko enayiiwawo. Sika eneerodduwella wi mi tti Apwiya.”

Yeremiya 46:28

Apwiya enallota wi, “We Yakobo, oorumeyellaaka, ohoove vawi mi kiri ni weyaano. Kineerotthollosa mitundu ddittheddene dda athu a ellapo nnddo kawiikarelleemiwo. Koma we nguutthollosa, komave nguuhiya oohuullaka, kinuullake mweechilungamo.”

Yeremiya 30:11

Miyaano kiri ni nyuwaano, Kineerewuuvullusani, mi Apwiya koollota. Kineerowoononga mitundu ddittheddene dda athu nko kupallalleselleemini, koma nyu nguutthollosani. Nguuhiyani oohillakiwa koma kinuullakeni mweechilungamo.”

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 5:18

Apwiya enallota wi, “Koma naari mallapo yaayo nguukokhollani.

2 Epilli 36:17

Sika ekaambiiwa Apwiya yamweerihalliiwa mwene a Ababiloni wi aahelle ekhoto ayo yawiiphalle asombwiiwa ni anamwalliiwa ni masupada naari mu enyumbiiwa. Kheyaamweerellettho echifundo arive muthu, muullupalli apaalle mung'onong'ono koma yahaavelleella attheene wa mwene a o Babiloni.

Yeremiya 5:9

Ethiyo ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla?

Yeremiya 5:11

Athu a o Israele ni a o Yuda attheene tti oohiroromelleya vamiitthoni vaka, mi Apwiya koollota.”

2 Epilli 12:4

Nave ahaakha mizinda dda mipanda dda Yuda eya yaphiya o Yerusalemu.

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?