Yeremiya 5:1 - Mawu a Mulluku

¹ Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Yeremiya 5:1 ပူးပေါင်းရင်းမြစ်များ

Ezekiele 22:30

Kaamwaashaasha muthu variyari viwa wi amake mpanda, wi iimelle mvo vakumuwalle, wi ateteze ellapo ni okipepesa wi kihiyoononge koma ngaamuphwanyille.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Yesaya 59:4

Khaavo anamwiipa mullatu mukhwaaye moolungama khaavo anaaye o nthato namillatu mwawoona. Enaroromella etthiru, enakhallella ollota ddawoottha. Ddawoona, athu oonanara ennakusa erukullu ya ddoonanara, ennayara makhallello oonanara.

Masalimo 14:3

Koma athu attheene aahollowa, attheene aananara moophwanaphwana, khaavo naari mmodda aneera ddaphaama, khaavo naari ni mmoddeene.

Miyambo 20:6

Athu anchichi ennallalleya dda oreera murima wiwa koma ttaani anaamuphwanye oororomelleya?

Masalimo 12:1

Apwiya, kikavihereni, vawi khaavo muthu anuupwathani, khaavo oororomelleya variyari vahu.

2 Atesalonika 2:10

nave aneerophariha erive ettilla yoonanara waalleka ayo enaawoonongeye. Eneerewoonongeya kaambiiwa yaakhoota okonda yawoona eyo yaawaavulluse.

Luka 14:21

Mullupa muttekoolle aahokollowa nave aalleella ddittheddene apwinnyaalle. Vano apwinnyaayo yaasha murima emulleella mullupa muttekoolle wi, ‘Akuva, khawe omisewuni ni o ettilla dda etawoneella nave waweena athu oohoowa, oorakalla, oohoona ni ookhwa meto.’

Zekariya 2:4

Awaamboolle aallota ni mukhwaaye wi, “Akuva, mulleelle musombwe akusalle mukwe woolingella wi muneerokhalla athu anchichi ni eziweto ddinchichi mu Yerusalemu mwawi khavipaalleya omaka mpanda.”

Amosi 8:12

Athu eneerekeweeteeta nngu ni nngu, ovenyera o enyanja emodda oya o enyanja emoddattho, ovenyera ompoto oya wookhuma nndduwa waashaasha mawu a Apwiya koma ohaaphwanya.

Yowele 2:9

Annalluphella m'muzindanimmo, annawella vaddullu va mipanda, ennavollowa mpa, oweella m'mawindoni wonanko allupaawiiya.

Daniele 12:4

“Koma we Daniele, sunga mawaalla moovittheya nave onimarelle nibukhunna ophiyera enthawi yoomalliha. Anchichi eneerothamakella nngu ni nngu nave ezeru ddineerovirellella waata.”

Nchipo na Solomoni 3:2

Sika kaallota wi, kineerovenya keeteete m'muzindanimmu, m'misewuni ni m'mapuroni. Kaamwaashaasha a vamurimani vaka. Kaamwaashaasha koma oohimuphwanya.

Miyambo 23:23

Kulla yawoona, ezeru, malangizo ni wiiwesesa, ohiddikullihe.

Miyambo 8:3

Ennakhuwa vakhwipi ni millako dda muzinda, ni moovollowella athu wi,

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

Yeremiya 2:29

Ethiyo munakiipella tini mullatu? Attheenenyu mookiwukila.

Yeremiya 44:15

Vano allopwana attheene ayo yadduwenlle wi awariwa yaanoosella lubani milluku ni atthiyana attheene ayo yaari vaavo athu anchichi owaakattho athu attheene ookhalla o Patirosi mu ellapo ya Iguputo. Ddawoona, athu anchichi yaamwaakhulla Yeremiya wi,

Masalimo 14:2

Apwiya oddullu aawarama, enaaweha athu vatthimva wi yoone aarimi arivo eezeru, oomwaashaasha Mulluku.

Masalimo 94:16

Ethiyo ttaani anaallipe murima wi akivaddere ekhoto ni oonanara? Ethiyo ttaani anaakhalle o embalaaka wi allipane ni aweera ddoonanara?

Yeremiya 8:6

Kahaapella maaru nave kahiiwa koma kheyaallotillevo ddawoona. Khaavo arive oochimwa oyo oonihalle wi oolapa anallota wi, ‘Kenre tini mi?’ Koma arive muthu anathwara ettilla ddaye wonanko kavalo oothamakella ekhoto.

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Yeremiya 9:7

Ekaamba ya ddenndda Apwiya Amasiva Mattheene enallota wi, ‘Wonanko mukoko, kineeroweeka athwaaka. Alliwa tti oochimwa, kinaawore mwawiidde waahiyerera?

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”