Yeremiya 49:7 - Mawu a Mulluku

⁷ Apwiya Amasiva Mattheene enallota dda Edomu wi, “Ethiyo ezeru ddohaamallella athu a o Tema? Ethiyo athu eezeru olangiza wiwa woomalla? Ethiyo ezeru ddiwanndde ddooriirya?

Yeremiya 49:7 ပူးပေါင်းရင်းမြစ်များ

Yeremiya 49:20

Sika vano apellani maaru nnddo kikeraatthihalleemi ddoomullakella Edomu ni athu a o Temani. Ddawoona, aniiwa eneerophariwa nave athu attheene eneerotathilla murima ekaamba ya otulliiwa.

Yeremiya 25:21

Yaakirumattho o Edomu, Mowabu navettho wa Aamoni

Genesis 36:15

Alla sika mamwene a edduullu dda Esau mu ellapo ya Edomu. Mwa anamwani a Elifazi, mwaana awaamba a Esau, mamweniiwa yaari Temani, Omara, Zefo, Kenazi, Kora, Gatamu ni Amaleke. Attheenaalla yaari anamwani a Ada mwaara Esau.

Genesis 25:30

Sika aamulleella Yakobo wi, “Ettalla eneerokiipha. Kivahe vang'ono echipele yoofiira waapeyilleeweeyo.” (Sika ekaambeene yaamuvaha nnddina nawi Edomu).

Yobu 2:11

Vano akhwaaye araru a Yobu, Elifazi Mutemani, Bilidadi Mushuki ni Zofari Munaama, yiiwalliiwa dda ddoohoosannddo ddammorenlle, yaawa mwawiiwanana wi emupepese ni omukhurumusa murima.

Genesis 36:11

Anamwani a Elifazi yaari Temani, Omara, Zefo, Gatamu ni Kenazi.

Habakuku 3:3

Mulluku avenyenre o Temani aaweella o miyaango dda Parani. Ntitimiho naye naahuruwella oddullu, ellapo yavatthi yaaddalla ni mallapellwaaye.

Yowele 3:19

Iguputo aneerotthattuwa echipululu, Edomu anaakhalle ntepe noohikhalla athu ekaamba ya ekhoto yahelliwe athu a o Yuda ni owiipha athu oohilakwa mwiillaponi mwiwa.

Daniele 11:41

Aneerohella ekhoto ellapo yooreeresesa nave aneeroowiipha athu ooheerengeya. Koma Aedomu ni Amowabu navettho oohoollella a Aamoni eneerovulluwa.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yesaya 29:14

Sika kineerovirellella oweerella ddoottikhiniha athu yaayo. Ezeru dda athwiiwa eezeru ddineeromalla nave ochenjera wa athwiiwa oochenjera oneerewiipittha.”

Masalimo 137:7

Nyu Apwiya, upuwellani nndde yeerille Aedomu va nllapo nawoonongeya wa Yerusalemu, valle yallotiiwa wi, “Mukumulleni Yerusalemu, mukumulleni Yerusalemu, ophiyera vamatthipello vaye.”

Yobu 4:1

Vano Elifazi Mutemani aallota wi,

1 Epilli 1:53

Kenazi, Temani, Mibizara,

Deuteronomo 23:7

“Muhaavevulleke Aedomu vawi alliwa tti abalaanyu. Muhaavevullekettho Aiguputo vawi khalle mwaakhalla mu ellapwiiwa.

Genesis 36:34

Yobabu akhwille, Hushamu a o Temani aavollowa omwene munipuroni mwaye.

Genesis 36:8

Sika Esau oyottho aromolliwa wi Edomu, aaya akhalla mu ellapo yamiyaango dda Seiri.

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

Genesis 32:3

Vano Yakobo ahaarumiha amithengaaye wa Esau mwanamunne o Seiri, o ellapo ya Edomu.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Yeremiya 25:23

o Dedani, o Tema o Buzi ni wa attheene oophaddera mphattamaaru.

Ezekiele 32:29

Wenko wookhalla Edomu vamodda ni mamwenaaye owaakattho enduna ddaye ddittheddene. Naari yaari amasiva komave yaavitthiwa mu mahame. Ekonaatthille vamodda ni oohiphaddiwa owaakattho attheene ayo yakitthenlle o ellapo ya ookhwa.

Yesaya 21:11

Nngu sika ollotella wa dda Edomu. Mmoddeene anakillotiha mookhuwa ovenyera o Edomu wi, “We mulonda, ethiyo mahiiyu onaamalle niini? We mulonda, ethiyo onaamalle niini mahiiywaalla?”

Maliro 4:21

Hakallallani wunchichi, nyu anamwani aatthiyana a Edomu, nyu athu ookhalla mu ellapo ya Uzi. Nyuttho kapu a ddoohoosa eneerewuuphiyerani, muneerolezela ophiyera orulla ddoowara.