Yeremiya 49:5 - Mawu a Mulluku

⁵ Apwiya Mulluku Amasiva Mattheene enallota wi, ‘Chenjerani vawi muneerewoona ddawoopiha ovenyera wa attheene oowaapheellani. Eneerowiikarihani attheenenyu oohikhallavo naari mmodda awuutthukumanihanittho oothawanyu.

Yeremiya 49:5 ပူးပေါင်းရင်းမြစ်များ

Yeremiya 49:29

Kumullani misasa ddiwa nave mwaakhe enkhosa ddiwa. Mwaakhe misasa ddiwa, ekuwo ddiwa, katundwiiwa muttheene, enkhosa ni ekamira* ddiwa. Athu eneerewaakhuwella alliwa wi, ‘Ddawoopiha ddiri virive veko!’

Yeremiya 46:5

Ethiyo vano kinoona tini? Ahoova, aahokollowa, akhotwiiwa aagonjihiwa, enathawa mwawoova, oohiweha mutulli.

Amosi 4:3

Munaakhumihelliwe m'mittharini dda esiri, arive muthu vayeekha, ni otathillelliwa omwaangoni wa Harimoni Mi Apwiya koollota.”

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yeremiya 15:8

Kawoonjerera anaamukhwelle okhwaranya mihava ddoonyanja. Amoowe kaawoonongella aniiwa eri asombwe, moorurumusa kahaamorihella otulli ni otathilla murima.

Yesaya 16:3

Enaalleella athu a o Yuda wi, “Munilleelle, mukamulle yawi neere. Nndduwa naphiya va muru munivahe muuthuuchi wookhalla wonanko mahiiyu. Muniipitthihe hiyaano athu awiikarihiwa nave muhinivelleelle hiyaano athu oothawa ekhoto.

Miyambo 28:1

Muthu oonanara annathawa ahiivo anawiikariha koma oolungama annallipa murima wonanko mukango.

Yobu 15:21

Anniiwa mawu awoopiha owaruni waye, vaweesani wi ari vamurendelleni, anamasikita eneeromuhella ekhoto.

2 Mamwene 19:7

Kineerohiya m'murimani mwa mwene maganizo mamodda awi iiwa ephevove aneerowatiheriwa ohokollweella o ellapwaaye nave mi kineeromwiiphiha owaniwa wenko.’ ”

Yoswa 2:9

aalleella wi, “Koodduwella wi Apwiya ahuuvahani ellapo ettheeneella nave attheenehi ninnoova, mirima ddahu ddinnatthukumella!

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Maliro 4:15

Athu yaanaakhuwella wi, “Khaweni nko! Ooripihiwanyu, muhinittannye!” Sika yaathawa, eneeteeta, nave athu a mitundu ddimodda yaallota wi, “Ehikhallettho ni hiyaano.”

Yeremiya 6:25

Nihaaheye oya omata apaalle weeta vamusewuni vawi adani enimawa ni ekhoto nave nohaapheelliwa ni ddawoopiha.”