Yeremiya 49:22 - Mawu a Mulluku

²² Ngoonani, mutundu mmodda oneerovava ni omumorella Bozira wonanko mpungu ottaphurusalle muuphello. Nllapo nenno mirima dda akhoto a o Edomu ddineerotthukumella ni woova wonanko mutthiyana vooyarani.”

Yeremiya 49:22 ပူးပေါင်းရင်းမြစ်များ

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Yesaya 13:8

Attheene eneerotathilla murima ni wiiwa ovoreya wonanko wa mutthiyana aayaraka. Eneerekowehana mwawoova nave ekhove ddiwa ddineerewooniha woova.

Yeremiya 49:24

Damasiko ootathilla murima, anapaalla othawa ekaamba yawi animoova wunchichi. Anniiwa ovoreya wonanko mutthiyana vooyarani.

Yeremiya 30:6

Kohani wi mudduwelle. Ethiyo mullopwana ttuumuyara mwaana? Kaambiiwa tini kinamooneemi arive mullopwana aphanre veerukulluni wonanko mutthiyana va enthawi yooyara? Kaambiiwa tini ekhove ddittheddene ddimorilliiwa?

Yeremiya 6:24

A o Yerusalemu enaakhulla wi, “Nohiiwa epilliiwa nave masiva aanimallella. Ninimakhupanya ni wiiwa ovoreya wonanko wa mutthiyana vooyarani.

Yeremiya 4:13

Ngoonani, adani enimawa wonanko mirapo nave magaretiiwa ennathamaka wonanko namangalle. Akavalwiiwa ennathamaka wunchichi okhwaranya mipungu. Otulli, nohoonongeya!

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Daniele 7:4

Yawaamba yaari wonanko mukango koma yaakhalla ni muuphello wonanko echiwombankhanga. Miyaano kiwehaka, muuphellwaaye yahuudduwa nave yookumeeyo yahiimesiwa ni manyallo meelli wonanko muthu nave yaavahiwa ezeru wonanko muthu.”

Yeremiya 22:23

Nyu mwakhalla o Lebanoni, mwamakille enyumba ddamikunguza, muneerewiipullella wunchichi vawuumorellani ddoovoreya wonanko mutthiyana vooyarani.”

Yeremiya 13:21

Ethiyo muneere tini ddakeraatthihiwa wi mulamulelliweke ni ayo mwaweesaanyu akhwiinyu? Ethiyo khamoona ddoovoreya wonanko dda mutthiyana vooyarani?

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yesaya 26:17

Nyu Apwiya, mooninlliha wunchichi wonanko mutthiyana vooyarani.

Yesaya 21:3

Ekaamba ya yeella, nnddo koonilleemi ni wiiwa m'masomphenya ddookoopiha ni okivoreya wonanko mutthiyana aayaraka.

Masalimo 18:5

Onyolo wa mahame waakimaka, millapa dda okhwa ddaakikola.

Miyambo 30:19

ettilla ya mpungu muddullu, ya enowa vanllukuni, ya ekallawa va enyanja, ya mullopwana ni namwalli.

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Yeremiya 50:36

Nsupada nimorelle va athu awoombesa wi etthattuwe ookarangeya. Nimorellettho va akhotwaaye wi yoonongeye.

Obadiya 1:9

We Temani, athwaawo amasiva eneerokhumuwa, arive muthu oovenyera o mwaango wa Esau, aneerovenyihiwawo ni wiiphiwa.”

Yeremiya 50:43

Mwene a o Babiloni ohiiwa epilliiwa, masiva ammallella. Annakhupanya ni wiiwa ovoreya wonanko wa mutthiyana vooyarani.