Yeremiya 49:2 - Mawu a Mulluku

² Koma enthawi enimawa mvo kineeriheemi okhuwa wa ekhoto o Raba, muzinda muullupalli wa Amoni. Muzinda yoolla oneerotthattuwa ntepe noohikhalla ni athu nave mizi ddiwa ddineerewoosiwa. Sika Israele aneerowaakha adani ayo yamwaakhille ddaaye.

Yeremiya 49:2 ပူးပေါင်းရင်းမြစ်များ

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

Ezekiele 21:20

Olembe ezizindikiro va misewu nnddo nsupada ninaaweelliiwawo vooyaani o Raba a o Amoni navettho Yerusalemu, muzinda wampanda, a o Yuda.

Deuteronomo 3:11

(Ogi sika aari mwene ookomihera a Arefaimu. Nibokosi naye naari namukoko noorekama mamita masese nave nooramballalla mamita meelli voophwanaphwanihella ni muyeso wa mallapo yaayo. Nave nibokosinno ttuunoona o Raba, muzinda wa Aamoni.)”

Amosi 1:14

Sika kineerorumiha munllo va esiri dda wa Raba, munllooyo oneeroshellelliha mipanda ddiwa ddoollipa. Vineerokhalla okhuwa va nllapo na ekhotonno, ekhotweeyo enaakhalle wonanko namangalle.

2 Samuele 11:1

Ephiyalle enthawi yeellimwe ya muyakha woothwarellella, enthawi eyo mamwene yayiiwa woowana ekhoto, Davide aamuruma Yowabu ni oohoollella amodda ni akhoto a Aisraele attheene. Yahaagonjiha Aamoni, yaapheella muzinda muttheene wa Raba ni misasa ddakhoto. Koma Davide aahalla o Yerusalemu.

Yeremiya 49:1

Apwiya enallota dda Amoni wi, “Ethiyo a Israele khenna anamwani aallopwana? Ethiyo khenna awaakhella yoohallana? Kaambiiwa tini vano athu oomullapella Milikomu yaakhilliiwa ellapo ya Gadi nave enakhalla m'mizindani ddaye?

Masalimo 97:8

Nyu Apwiya, Ziyoni anniiwa nave annahakallalla, mizinda dda o Yuda ddinnathapella ekaamba ya echiweruzwaanyu.

Masalimo 48:11

Athu a o mwaango wa Ziyoni ehakallalle, a o Yuda ehakallalle ni echiweruzwaanyu yoolungama.

Numeri 21:25

Aisraele yahaakha mizinda ddittheddene dda Aamori ekhalla mwemmo vamodda ni muzinda wa Heshiboni ni mizi ddiwa.

Obadiya 1:19

“Athu oovenyera omwera wa Yuda eneerokhalla mu mwaango wa Esau. Oovenyera museresere mwa mwaango wa woovollowa nndduwa eneeromuphara Filistiya. Aisraele eneerohallana ezigawo dda Efuremu ni Samariya, Abenjamini eneeromukusa Giliyadi.

Numeri 10:9

Mwaayaaka woowana ekhoto mwiillaponi mwanyu ni adanaanyu ayo enuuhoosani, enthawi yeeyo mwiipe mapallapata wi Apwiya Mullukwaanyu kiwuupuwellekeni nave muneerovullusiwa wa adanaanyu.

Deuteronomo 13:16

Mutthukumanihe ddawaakha ddittheddene dda athu a munipuronimmo nave muukelle variyari va nthato nuullupalli. Nave mushellellihe nipuronno vamodda ni ddittheddene ddookhalla mwemmo wi ddikhalle wonanko mukutho wooshellelliha wa Apwiya Mullukwaanyu. Nipuronno nikhalle ntepe wa enthawi yoohimalla nave vihiwe vimakiwattho.

Yoswa 17:11

Mu ellapo ya Isakara ni ya Ashere mwakhalla echigawo ya Manase yooromolliwa wi Betesheani vamodda ni matawoni oowaapheella. Vaakhallattho Akanani ayo yakhalla o Ibleamu, o Dori muzinda wa mukhwipi mwa enyanja, o Endori, o Taanaki ni o Megido ni matawoniiwa oowaapheella.

Yoswa 17:16

Vano edduullu dda Yosefennddo ddaallota wi, “Ddawoona ellapo yamiyaangweeyo khenikwakhwanelle hiyaano komattho Akanani ayo eri mu ntapo aakhalla ni magareta a mikoko ni ayo eri o Betesheani ni matawoni oowaapheella navettho ayo eri mu ntapo na Yezireele.”

Yesaya 17:1

Nngu sika ollotella wa dda Damasiko. “Ngoonani, Damasiko khakhallattho muzinda koma anaatthattuwe ntepe.

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Ezekiele 21:25

“Vano we owaalamulella Aisraele, we ooripihiwa ni oonanara, noophiya nllapo nawo, ollakiwa wawo woomallihella.”