Yeremiya 49:18 - Mawu a Mulluku

¹⁸ Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Yeremiya 49:18 ပူးပေါင်းရင်းမြစ်များ

Yeremiya 49:33

Hazori aneerotthattuwa ntepe, nipuro na akhatwe wa enthawi yoohimalla. Khamuwamukhallattho arive muthu mwemmo. Mi Apwiya koollota.”

Deuteronomo 29:23

Emata ddanyu ddineerotthulluwa, ddinaaddalle sulufure ni mwiinyu nave khemumella erive ello naari manasi. Ellapwaanyu enaakhalle wonanko mizinda dda o Sodomu ni Gomora navettho dda o Adima ni Zeboimu nnddo Apwiya yaddoonongilliiwa va enthawi elle yashilliiwa murima wunchichi.

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Yeremiya 50:40

Wonanko mmo woonongeyelle muzinda wa Sodomu ni wa Gomora ni mizi dda vakhuviru, emoddamoddave yeeyo khohalla naari muthu mmodda wenko. Khaavo naari mmodda anaaphwanyeye wenko.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

Yesaya 34:10

Munllooyo oneerokhara otthaana ni mahiiyu nave mwiisi oneerothuwa wa enthawi yoohimalla. Ellapo eneerokhalla echipululu va mibado ni mibado nave khaavo naari mmodda aneetemottho.

Masalimo 11:6

Apwiya eneerewaarumihella oonanara munllo ni sulufure wonanko murimu. Eneerewaallaka ni ephevo yooviha moollikana ni ddaweera ddiwa.

Aroma 9:29

Nndda ddiri wonanko mmo Yesaya allotilleeye khalle wi, “Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.”

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Deuteronomo 29:22

“Athu a mibado ddanyu ddamuhoollo, edduullu ddanyu ni alleto oovenyera woorekama, eneerewoona millillinnddo ni ddoohoosa nnddo Apwiya enaamorihelliiwa va ellapwaanyu.