Yeremiya 49:16 - Mawu a Mulluku

¹⁶ Wiitukhulla wawo wohuulleka, woopopiha wawo wohuuhollosa, we ookhalla m'mallukuni ni omiyaangoni. Koma naarive omakille enyumbaawo vaddullu wonanko emphuru ya echiwombankhanga kineerewuukitthiha. Mi Apwiya koollota.”

Yeremiya 49:16 ပူးပေါင်းရင်းမြစ်များ

Amosi 9:2

“Naari yakate vatthi ophiya o ellapo ya ookhwa, nnatta naka nineerewaakusawo wenko. Naari yawelle oddullu, kineerewaakitthihawo.

Yesaya 49:25

Apwiya enaakhulla wi, “Ddawoona, akhoto eneerewaakhiwa oophariwiiwa, eekuku aneerewaakhiwa nnddo aakhilleeye. Kineerollipana ni ayo enallipana ni nyuwaano, kineerewaavullusa aniinyu.

Yobu 39:27

Ethiyo tti we onalamula mpungu wi ovaveke, wi omakeke emphurwiiwa vaddullu?

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Miyambo 16:18

Okota onnahoollella woonongeya nave wiitukhulla onnawiiha omora.

Yesaya 2:21

Eneerothawella m'makhunguni ni m'mittharini voothawani owalli wa Apwiya ni masiva a omweniiwa mvo Apwiyaayo enaaphiyiiwa wi yoopopihe ellapo yavatthi.

Nchipo na Solomoni 2:14

We tti ekhundaaka, yookhalla m'mittharini dda malluku, mwawiipittheya phaama ni mooserereya. Koone ekhovaawo nave kiiwe mawaawo. Valle mawaawo tti ooddiva nave ekhovaawo tti yooreera.

Miyambo 18:21

Nllumi nookhalla ni masiva a okhwa ni okumi, oonikonda annacha ezipaso ddiwa.

2 Mamwene 14:7

Vano Amaziya aawiiphattho Aedomu 10,000 o ntapo na Mwiinyu, aakha muzinda wa Shela nave aawuromolla nnddina nawi Yokitele nave nnddina niwa tti nenno ophiyera ollello.

Yesaya 10:14

Nnatta naka noophara eyuuma ya athu wonanko muthu anavavullelleeye emphuru ya epallame. Wonanko mmo muthu anatotellelleeye mooche oohiyiwa, emoddamoddave yeeyo miyaano kaayitthukumaniha ellapo yavatthi. Nave kheyaarivo naari epallame emodda yeeseesille otikha muuphello apaalle waatthamiha owanoni apaalle yawinlla teetee.”

Yeremiya 49:15

Kineerewuuyeviha variyari va mitundu ddittheddene nave athu attheene eneerewuunyaambusa.

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.

Yeremiya 51:53

Naari Babiloni iitukhulleve ophiyera oddullu, allipiha mattatthaaye, kineeromuruma awoononga wi amugonjihe. Mi Apwiya koollota.’ ”

Habakuku 2:9

Otulli wa oyo ari ni eyuuma yoovenyera mu yoophura yoophwanyeya moohilungama, annayikusella o enyumbaaye yavaddullu vooganizani wi ookhalla ni murendelle.

Malaki 1:3

nave kahiitanana Esau ni edduullu ddaye. Kaatthattusa miyaango ddaye matepe ni ovelleella yoohallanaaye wa akhatwe a mu echipululu.”

Yeremiya 48:14

“Ethiyo munawora mwawiidde ollota wi, ‘Hiyaano sika oovuwa, allupa ekhoto amasiva?’