Yeremiya 48:7 - Mawu a Mulluku

⁷ “Nyu muneerophariwattho vawi mwaroromella mitteko ddanyu ni eyuumaanyu. Kemoshi, mullukwaanyu, aneerophariwa okaporo ni allupa mukuthwaaye ni enduna ddaye.

Yeremiya 48:7 ပူးပေါင်းရင်းမြစ်များ

Numeri 21:29

Otulli okhalle wa weyaano Mowabu, moonongeye nyu oomullapella Kemoshi. Wohaatthattusa anaaye aallopwana oothawathawa, anaaye aatthiyana akaporo a Sihoni, mwene a Aamori.

Yeremiya 49:3

Nyu athu a o Heshiboni, inllani vawi muzinda wa Ai wohoonongeya. Nyu anamwani aatthiyana o Raba, warani eziguduli vawoonihani ethakaraka, inllani, muthawelle nngu ni nngu muwari variyari va mipanda. Mullukwaanyu Milikomu aneerophariwa okaporo ni allupa mukuthwaaye ni enduna ddaye.

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Masalimo 52:7

“Ngamooneni muthu oyo ahinapaalla omuroromella Mulluku, koma anahameella eyuumaaye yawaata, anallipihella weera ddoonanara.”

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Hoseya 10:13

Mwahaalla ddoolakwa nave mwaahata ohilungama, moocha ezipaso ddiwa dda ddawoottha. Ekaamba yawi munaroromella magaretaanyu ni waata wa athwaanyu akhoto,

Yeremiya 48:46

Otulli, Mowabu! Athu oomullapella Kemoshi aatthollosiwa nave aniiwa attheene aallopwana ni aatthiyana aakusiwa okaporo.

Yeremiya 48:13

Sika Mowabu aneerowulliwa muru ni Kemoshi, mullukwaaye, wonanko mmo Israele awulliwelleeye muru ni Betele, mulluku oyo amuroromelleeye.”

1 Mamwene 11:33

Kineereweera yeella kaambiiwa Solomoni ookikhoota miyaano, anamullapella Ashitoreti mulluku aamutthiyana a Asidoni, Kemoshi mulluku a Amowabu ni Milikomu mulluku a Aamoni. Sika khaawiiwellelle, khaaweerille nnddo kapaalleemi nave khaasungalle malamulwaaka ni malangizwaaka monga mmo eerella Davide attiitthinnya.

Yawuupullulla 18:7

M'muhoose ni omumoriha ethakaraka ddawinlliha moollikana ni eyuuma owaaka ddoohakallalliha iivahilleeye yeekha. Vawi annallota yeekha wi, ‘Vano ngakiweheni, miyaano tti mwene aamutthiyana, ngihiyo naamukhwelle ngiwa kikumana ni ddawinlliha.’

Yeremiya 43:12

Aneeroviddeella munllo mu enyumba dda milluku dda o Iguputo ni oddoosa enyumbannddo nave millukunnddo aneeroddiyaana wuukaporoni. Aneereweelliha ellapo ya Iguputo wonanko mbusa anatthollelleeye ethupo mu yoowaraaye sika anaweerelleeyena nave anaakhume mu Iguputo mwamurendelle.

Yeremiya 13:25

Muneerewaakhella ollaka nko kuukeraatthihelleemini ekaamba yawi mookitiwalla nave munaroromella milluku ddawoottha.

Masalimo 40:4

Oodala tti muthu oyo anaaroromella Apwiya, muthu oyo ahinahapuwella o mafano, othwara milluku ddawoottha.

1 Mamwene 11:7

Vano Solomoni aamaka nipuro noollapellamo vamwaangoni wookhuma nndduwa wa Yerusalemu, nipuro noomullapellamo Kemoshi, mulluku oonanaresesa a Amowabu ni noomullapellavo Moleki, mulluku oonanaresesa a Aamoni.

Oweeruza 11:24

Khallani mu ellapo eyo Kemoshi mullukwaanyu uuvahilleeyeni wi ekhalle yoohallanaanyu. Vano attheene ayo Apwiya Mullukwaahu ewiikarilliiwa vamiitthoni vahu, ddayiwa ddineerokhalla yoohallanaahu.

2 Samuele 5:21

Vano Afilisti yaaddihiya milluku ddiwa wenko nave Davide ni athwaaye yahaakusa mafanwaayo.

Yeremiya 49:4

Nyu athu oohiroromelleya, kaambiiwa tini muniitukhullella tini ni matapwaanyu? Kaambiiwa tini mwaroromelleenyu eyuumaanyu voollotani wi khaavo anaallipane ni nyuwaano?