Yeremiya 48:44 - Mawu a Mulluku

⁴⁴ Oothawa woopiha anaamorelle munllitini nave ookhuma munllitini anaamakiwe va m'musamphani. Nndda sika kineereemi kimmorihelle Mowabu va enthawi ya ollakiwa waye.

Yeremiya 48:44 ပူးပေါင်းရင်းမြစ်များ

Yeremiya 11:23

Khavulluwa naari mmodda vawi kineerowoononga athu a o Anatoti waphiya muyakhiiwa wa ollakiwa.”

1 Mamwene 19:17

Vano oyo anaavulluwe o nsupada na Hazaele, Yehu aneeromwiipha. Oyo anaavulluwe o nsupada na Yehu, Elisha aneeromwiipha.

Amosi 5:19

Onaakhalle wonanko muthu anathawa mukango nave akumana ni echimbalangondo apaalle wonanko muthu avollowille mpa ahameella esiri ni nnatta naye nave allumiwa enowa.

Yeremiya 46:21

Akhoto aganyu ariiyena, tti wonanko asaanaang'ombe ooneneva. Alliwattho aahokollweella mutulli nave aathawa vamodda, khaavo allipihenlle. Ddawoona, enthawi ya otulli yahaamorella, sika enthawi yawaallaka.

Mika 7:4

Naari muthu aphaama wunchichi ni oolungamesesa ari wonanko miiwa. Nllapo na ollaka wawo nno nallotelliwe ni alondaawo noophiya. Vano woophiya omalla ezeru wawo.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Yeremiya 51:18

Mafano khenna mutteko, tti oophwanella waavevulla, voollakiwani eneerewoonongiwa.

Yeremiya 23:12

Ekaamba ya yeella ettilla ddiwa ddinaakhalle ddoottherenya ni ddeepiphi. Kineerewaakwakwatuwiha ni waakuha vawi kineerewaawiihella ddoonanara va enthawi ya ollakiwa wiwa. Mi Apwiya koollota.

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Yeremiya 10:15

Mafano khenna mutteko, tti oophwanella waavevulla, voollakiwani eneerewoonongiwa.

Yesaya 24:18

Arive muthu oothawa onyakulla wa ddawoopihannddo aneeromorella mullitini nave ookhuma munllitinimmo aneeromakiwa m'musamphani. Oddullu oneerohulleya nave matthipello mattheene a ellapo yavatthi eneerotikheya.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

1 Mamwene 20:30

Amodda oohalla yaathawella o muzinda wa Afeki nko esiri yaamorenlliiwa athu oohalla 27,000. Benihadadi olliyettho aathawa, iipittha mu echipinda yamuwari m'muzindanimmo.

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Yeremiya 50:24

We Babiloni, kohuureya musampha nave woomakiwa koma khonadduwella. Woophwanyeya nave woophariwa ekaamba yawi waallipana ni Apwiya.

Yeremiya 50:27

Muwiiphe ni waatthollosa asombwe akhoto attheene. Otulli wohaamorella vawi nllapo nawi ellakiwe noophiya.”

Maliro 3:47

Noomorella mu ddawoopiha ni munllitini, mu oraheya ni woonongeya.

Yesaya 24:17

Nyu athu a va ellapo yavatthi, ddawoopiha, nlliti ni musampha ddinimuutiyerellani.

Yeremiya 49:8

Nyu athu a o Dedani hokollowani, thawani mwiipitthe! Vawi kineerollaka edduullu dda Esau va nllapo na weeruziwa wiwa.