Yeremiya 48:39 - Mawu a Mulluku

³⁹ Ngoonani mmo anyenyeyelleeye! Ngiiwaani mmo eninllella athwaaye! Ngoonani mmo iikuhelleeye moowulliha muru! Mowabu ootthattuwa ello yoonyaambuseya, ello yawoopiha wa akhwaaye awaatamanana. Mi Apwiya koollota.”

Yeremiya 48:39 ပူးပေါင်းရင်းမြစ်များ

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Yeremiya 48:17

“Nyu awaatamanana attheene, nyu akhwaaye attheene oomudduwella mumoriwelleni ethakaraka. Nave mullote wi, ‘Ngoonani mmo ekothowelliiwa ekopo yoomwene ni yamasiva!’

Yeremiya 48:13

Sika Mowabu aneerowulliwa muru ni Kemoshi, mullukwaaye, wonanko mmo Israele awulliwelleeye muru ni Betele, mulluku oyo amuroromelleeye.”