Yeremiya 48:37 - Mawu a Mulluku

³⁷ Muru wa arive muthu woochemiwa mpala, ereru ddiwattho ddoochemiwa, matta mattheene tti oochekeyachekeya nave muyuununi mwiwa ewanre eziguduli.

Yeremiya 48:37 ပူးပေါင်းရင်းမြစ်များ

Yeremiya 47:5

A o Gaza eneerochema ekaamba ya ethakaraka, a o Ashikeloni enaakhwe mullakallaka. Nyu oohalla mwa Afilisti, ethiyo muuniichekecheke ekaamba ya winlla ophiyera niini?

Yeremiya 41:5

waaphiya athu khumi ni atthanu oovenyera o Shekemu, o Shilo ni o Samariya. Ereru ddiwa yaachema, ddoowara ddiwa ddaari ddawaahuwa nave miilli ddiwa ddaari ddooremeyaremeya. Yakusalle mikutho dda ddoocha ni lubani* wi yavelleelle o enyumba ya Apwiya.

Genesis 37:34

Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

Yesaya 20:2

Enthawi yeeyo Apwiya yaari ellotille khalle oweella mwa Yesaya mwaana a Amozi wi, “Khawe warulle echiguduli muyuununi mwawo ni esapato omanyalloni wawo.” Nave olliye aheera ddennddo, aneeta epwillimwinddive ni oohiwara esapato.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Mariko 5:5

Otthaana ni mahiiyu akhallella weetave m'makhungunimmo ni m'mwaangoni, akhuwaka ni wiiphoriiha yeekhaaye ni malluku.

Mika 1:16

Nyu a o Yuda, chemani mpala wooniha wi munawinllella aniinyu mwaakondeenyu. Mukhalle ni nttari na echiwombankhanga vawi aniinyu yahuuhiyani.”

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Ezekiele 27:31

Yaaniichema mpala ekaamba ya weyaano, yaanawara eziguduli eninlla ni murima woovoreya.

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Yesaya 37:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.

Yesaya 3:24

Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru.

2 Mamwene 6:30

Mwene iiwalle mawu a mutthiyanooyo, ahaahulla ddoowara ddaye.

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

1 Mamwene 18:28

Sika anamallotella a Baalaayo yaakhuwa wunchichi, yiiremarema ni masupada ni mipeni moollikana ni ehuddihiiwa ophiyera nikhame okhuma m'makhwatanaayo.

Levitiko 19:28

Muhiichekeke vamwiillini vanyu ekaamba ya muthu ookhwa apaalle opopha orive mutundu wa ehungu. Mi tti Apwiya.

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

Yeremiya 49:3

Nyu athu a o Heshiboni, inllani vawi muzinda wa Ai wohoonongeya. Nyu anamwani aatthiyana o Raba, warani eziguduli vawoonihani ethakaraka, inllani, muthawelle nngu ni nngu muwari variyari va mipanda. Mullukwaanyu Milikomu aneerophariwa okaporo ni allupa mukuthwaaye ni enduna ddaye.

Ezekiele 29:18

“We mwaana a muthu, khalle Nebukadinezara mwene a o Babiloni aaphariha mutteko ekhoto voollipanani ni muzinda wa Tiro, ophiyera arive muthu aakhalla ni nttari nave yaaphinyuwa mathuri ekaamba yoomutukhulla katundu. Komathi olliye apaalle mullokwaaye wakhoto kheyaaphurallevo ello va mutteko muttheene yapharilliiwa voollipanani ni muzindooyo.

1 Epilli 19:4

Sika Hanuni ahaaphara amithenga a Davide, aachema ereru ddiwa embali emoddamodda nave aaphadda variyari ddoowara ddiwa okomella muyuununi, aahokollosella owaniwa.