Yeremiya 48:26 - Mawu a Mulluku

²⁶ “Mumulezelihe Mowabu kaambiiwa ahiitukhulla vawaawukilani Apwiya. Atthaveyiwe m'marapheywaaye nave akhalle ello yoottheyiwa.

Yeremiya 48:26 ပူးပေါင်းရင်းမြစ်များ

Yeremiya 51:39

Yakuserera ottutthuwa, kineeroweerella machellello. Sika kineerowaalezeliha nave eneerohakallalla ni okona ekhove ddoohirurumuwana, ddoohivenyanattho.

Yeremiya 48:42

Mowabu aneerewoonongeya, khakhallattho mutundu wa athu vawi ahiitukhulla vawaawukila Apwiya.

Yesaya 29:9

Virellellani okhalla ookarangeya! Ddeeriheni nyookha oohoona nave mukhalle oohoona. Mulezele koma muhimuwinrye vinyo nave muhahareye koma muhiwinrye yoowirya yoowalli!

Yesaya 19:14

Apwiya ahaavaha munepa woovirikaniha variyari viwa mwawi ennaahollosa Aiguputo mu erive ello eneeriiwa wonanko oolezela ooserenguwa ni marapheywiiwa.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Maliro 4:21

Hakallallani wunchichi, nyu anamwani aatthiyana a Edomu, nyu athu ookhalla mu ellapo ya Uzi. Nyuttho kapu a ddoohoosa eneerewuuphiyerani, muneerolezela ophiyera orulla ddoowara.

Yeremiya 51:7

Vawi Babiloni aari wonanko kapu agolide m'mattani mwa Apwiya wi alezelihe ellapo yavatthi ettheene. Mitundu ddinchichi dda athu ddaamuwirya vinywaaye sika ekaambiiwa ddasavuwalliiwa.

Yeremiya 48:39

Ngoonani mmo anyenyeyelleeye! Ngiiwaani mmo eninllella athwaaye! Ngoonani mmo iikuhelleeye moowulliha muru! Mowabu ootthattuwa ello yoonyaambuseya, ello yawoopiha wa akhwaaye awaatamanana. Mi Apwiya koollota.”

Eksodo 5:2

Koma Farao ahaakhulla wi, “Ethiyo Apwiyaayo ttaani wi miyaano ttuuwiiwellella ddennddo ni owaakhullella Aisraele wi evenyemo? Apwiyaayo nginaadduwella nave ngiwa kaakhullella wi Aisraelaayo evenyemo.”

Yawuupullulla 16:19

Muzinda woovuwa waakawaneya vararu navettho mizinda dda ellapo ddittheddene ddaakumuwa. Mulluku ahuupuwella muzinda woovuwa, Babiloni nave aamuwiriha kapu a vinyo a osha murima waye wawoopiha.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Habakuku 2:16

Koma oneerowulliwa muru munipuroni moovahiwa olemu. Vano wirya, olezele ni ohahareye, Apwiya eneerewuwiryiha kapu a owalliiwa, olemwaawo oneerotthattusiwa owulliwa muru.

Nahumu 3:11

Wettho Ninive onaakhalle wonanko woolezela, oneerewaapheella muru, oneerewaashaasha nipuro noothawellawo.

Daniele 11:36

Mwene oompoto aneereweera ddoopaalla ddaye nave aneeroddunnuwiha ni oddeesa muullupalli okhwaranya milluku ddittheddene naari Mulluku a milluku. Ddittheddene ddineeromweetella phaama ophiyera enthawi eyo Mulluku anaamullakeeye moowalli ekaamba yawi nnddo ddisimikiziwe ddineereweereya.

Maliro 3:15

Aakichiha ddoowaawa, aakiwiryiha tthuukwi.

Maliro 1:21

Athu ennakiiwa kiniipullelleemi, koma khaavo ookikhurumusa murima. Adanaaka attheene yiiwalliiwa dda otullaaka, yaahakallalla ekaamba ya nnddo mweerilleenyu. Nllapo mwalonjezilleenyunne muniphiyihe, wi alliwattho ehoowe wonanko miyaano.

Yeremiya 51:57

Kineerolezeliha enduna ddaye ni eezerwaaye, oolamulellaaye, oohoollella ekhoto ni akhotwaaye. Eneerokona ekhove ddoonanara ddoohirurumuwana, mi, mwene, koollota, nnddina naka tti Apwiya Amasiva Mattheene.

Yesaya 63:6

Kahaavota athu a mitundu ddimodda kishille murima nave kahaanyingallella. Nikhame niwa kaaniithella vatthi.”

Yesaya 51:17

We Yerusalemu, venya, venya, imella! Woomuwirya kapu oollaka oyo Apwiya yawinnyalliiwa eshille murima, kapu oohaharereyiha waamuwirya muttheene.

Yesaya 10:15

Koma Apwiya enallota wi, “Ethiyo kottokwa ttuuwiitukhulla omukhwaranya oyo anatthallana apaalle saha ttuuwiiriiha omukhwaranya oyo anachekella? Valle ekoonda khenamutukhulla muthu koma muthu sika anatukhulla ekoonda.”

Masalimo 75:8

Ollaka wa Apwiya tti wonanko m'mattani mwiwa ooddalla ni vinyo ookhuma niphoru ni oowaawa. Ammimina vinyooyo oonanara attheene a va ellapo yavatthi eneeromuwirya, ophiyera yoombonlle ddoohalla mukapunimmo.

Masalimo 60:3

Mooweeriha athwaanyu wi yoone ddoohoosa. Mooniwiriha vinyo oolezeliha.

Masalimo 59:8

Koma nyu Apwiya, munnaattheya, munnaanyaambusa athu a mitundu ddimodda.

Masalimo 2:4

Apwiya ayo eri oddullu, ennaattheya ni waanyaambusa.

Yobu 9:4

Mulluku tti eezeru ni amasiva, khaavo anaallipanena ni opambana.

Eksodo 9:17

Koma onimaanyaambusave athwaaka, vawaakhootihani wi evenyewo.

Yesaya 28:8

Va matebulo mattheene viri marapheyo nave khaviri nipuro noohunttuwanyeriwa.

Daniele 8:10

Nnyakanno nahunnuwa wunchichi naphiya o milloko ddakhoto ddooddullu. Naamoriha etheneeri ddimodda ni oddinyingallella.

Yobu 15:25

Ddommorella kaambiiwa aamuwukila Mulluku, aamunnuwella murima Amasiva Mattheene.

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.