Yeremiya 48:2 - Mawu a Mulluku

² ovuwa wa Mowabu woomalla. Yaampanganella ddoonamasikita o Heshiboni, voollotani wi, ‘Hankoni nimoononge, ahikhallettho mutundu na athu.’ Nyu ookhalla o Madimeni muneereweerihiwa ellapo tuu vawi eneerowiikarihani ni nsupada.

Yeremiya 48:2 ပူးပေါင်းရင်းမြစ်များ

Yeremiya 31:36

Apwiya ennalonjeza wi ddaweereyanndda ddavirellellave, sikattho Israele aneerovirellella okhalla mutundu wa enthawi yoohimalla.

Yesaya 16:14

Koma vano enallota wi, “Miyakha miraru ddihinamalle moollikana ni mmo aneerengella aganyu, eyuuma ya Mowabu enaakhalle emanlle. Mulloko muullupalli wa athwaaye oneerewoonongeya nave oovulluwa enaakhalle ooyeva ni oofooka.”

Numeri 32:37

Arubeni yaamaka wiilli mizinda dda Heshiboni, Eleyale, Kiriyataimu,

Yeremiya 49:3

Nyu athu a o Heshiboni, inllani vawi muzinda wa Ai wohoonongeya. Nyu anamwani aatthiyana o Raba, warani eziguduli vawoonihani ethakaraka, inllani, muthawelle nngu ni nngu muwari variyari va mipanda. Mullukwaanyu Milikomu aneerophariwa okaporo ni allupa mukuthwaaye ni enduna ddaye.

Yeremiya 48:45

Oothawa enniimella va Heshiboni, ekaamba yootopa wunchichi. Koma mallumi amunllo a o Heshiboni, mallumi amunllo oovenyera o enyumba yoomwene Sihoni nave munllooyo onoononga miyaango dda o Mowabu, ellapo ya athu a maraapwa.

Yeremiya 48:42

Mowabu aneerewoonongeya, khakhallattho mutundu wa athu vawi ahiitukhulla vawaawukila Apwiya.

Yeremiya 48:17

“Nyu awaatamanana attheene, nyu akhwaaye attheene oomudduwella mumoriwelleni ethakaraka. Nave mullote wi, ‘Ngoonani mmo ekothowelliiwa ekopo yoomwene ni yamasiva!’

Yeremiya 46:28

Apwiya enallota wi, “We Yakobo, oorumeyellaaka, ohoove vawi mi kiri ni weyaano. Kineerotthollosa mitundu ddittheddene dda athu a ellapo nnddo kawiikarelleemiwo. Koma we nguutthollosa, komave nguuhiya oohuullaka, kinuullake mweechilungamo.”

Yeremiya 33:24

wi, ‘Apwiya ahaakhoota mabanja meellaalle yaatthoollilliiwa?’ Sika athwaayo enanyaambusa mullokwaaka oohiweesattho wonanko mutundu wa athu.

Yeremiya 25:17

Vano kaamukusa kapooyo kiwinnya athu a mitundu ddittheddene wi emuwirye moollikana ni mmo Apwiya yakilamulelliiwa.

Yeremiya 25:15

Apwiya Mulluku a Israele, yaakilleella wi, “Omukuse kapu olla ooddalla ni owallaaka nave waawiryihe athu a mitundu ddittheddene nko kinaawurumeemi.

Yesaya 25:10

Apwiya eneeroteteza mwaangwiiwa ni nnatta niwa koma Amowabu eneeronyingallelliwa wonanko manyowa munllitini.

Yesaya 15:5

Murimaaka onamwinllella Mowabu. Athwaaye ethawenlle ekhoto o Zowari ni o Egilati Shelishiya. Eneeta yinllaka o mutunda wa o Luhiti, eninlla mookusa murima va musewu wooya o Horonaimu.

Yesaya 15:1

Nngu sika ollotella wa dda Mowabu. Ekaamba yawi muzinda wa Ari wohoonongiwa mahiiyu mamodda, ellapo ya Mowabu yoomora. Navettho ekaamba yawi muzinda wa Kiri wohoonongiwa mahiiyu mamoddave ellapo ya Mowabu yoomora.

Yeremiya 49:37

Athu a o Elamu kineerowoopopiha vamiitthoni va adaniiwa ni va oyo anapaalla waatthollosa. Kineerewaashella murima wunchichi nave kineerowiikara ni nsupada ophiyera kaatthollosille.