Yeremiya 48:15 - Mawu a Mulluku

¹⁵ Yawoononga Mowabu ni mizinda ddaye oophiya, asombwaaye akitthi eneerewiiphiwa yiiphiwe. Mi mwene, Apwiya Amasiva Mattheene, koollota.

Yeremiya 48:15 ပူးပေါင်းရင်းမြစ်များ

Yeremiya 50:27

Muwiiphe ni waatthollosa asombwe akhoto attheene. Otulli wohaamorella vawi nllapo nawi ellakiwe noophiya.”

Yeremiya 46:18

Mi Apwiya Amasiva Mattheene tti mwene, mi tti Mulluku Ookumi. Mmodda amasiva aneeroowa wonanko Tabori, mwaango wookhwaranya miyaango ddittheddene. Ari wonanko mwaango wa Karimele, wawiimella phaama mukhwipi mwa enyanja.

Yeremiya 51:57

Kineerolezeliha enduna ddaye ni eezerwaaye, oolamulellaaye, oohoollella ekhoto ni akhotwaaye. Eneerokona ekhove ddoonanara ddoohirurumuwana, mi, mwene, koollota, nnddina naka tti Apwiya Amasiva Mattheene.

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yeremiya 51:40

Kineerowaakusella wawiiphiwa wonanko anamwani a enkhosa, anankhoro a enkhosa apaalle a epuri. Mi Apwiya koollota.”

Yeremiya 48:4

“Mowabu ohoonongeya, anaaye enoopa ekutho.

Masalimo 47:2

Vallethi Apwiya Amasiva Mattheene enaphwanella wooviwa, sika mwene muullupalli a va ellapo yavatthi ettheene.

Amosi 4:10

“Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”

Yeremiya 50:34

Koma oovullusiiwa tti amasiva, nnddina naye tti Apwiya Amasiva Mattheene. Aneerowiimellella vamullatuni wi awiihe murendelle va ellapo yavatthi ettheene koma aneerewaahoosa athu a o Babiloni.”