Yeremiya 47:5 - Mawu a Mulluku

⁵ A o Gaza eneerochema ekaamba ya ethakaraka, a o Ashikeloni enaakhwe mullakallaka. Nyu oohalla mwa Afilisti, ethiyo muuniichekecheke ekaamba ya winlla ophiyera niini?

Yeremiya 47:5 ပူးပေါင်းရင်းမြစ်များ

Yeremiya 48:37

Muru wa arive muthu woochemiwa mpala, ereru ddiwattho ddoochemiwa, matta mattheene tti oochekeyachekeya nave muyuununi mwiwa ewanre eziguduli.

Yeremiya 25:20

owaakattho wa athu a mitundu ddimodda ookhalla mu Iguputo. Yaakirumattho wa mamwene mattheene a o Uzi, wa mamwene mattheene a o mizinda dda Afilisti, sika wi Ashikeloni, Gaza, Ekeroni ni o echigawo yoohalla ya o Ashidodi.

Mika 1:16

Nyu a o Yuda, chemani mpala wooniha wi munawinllella aniinyu mwaakondeenyu. Mukhalle ni nttari na echiwombankhanga vawi aniinyu yahuuhiyani.”

Yeremiya 41:5

waaphiya athu khumi ni atthanu oovenyera o Shekemu, o Shilo ni o Samariya. Ereru ddiwa yaachema, ddoowara ddiwa ddaari ddawaahuwa nave miilli ddiwa ddaari ddooremeyaremeya. Yakusalle mikutho dda ddoocha ni lubani* wi yavelleelle o enyumba ya Apwiya.

Mariko 5:5

Otthaana ni mahiiyu akhallella weetave m'makhungunimmo ni m'mwaangoni, akhuwaka ni wiiphoriiha yeekhaaye ni malluku.

Ezekiele 25:16

Ekaamba ya yeella Afilistaayo kineerewaallaka ni nnatta naka. Kineerewaatthollosa Akereti ni amodda attheene ookhalla mukhwipi mwa enyanja.

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Yeremiya 47:4

Nllapo nineerophiya, nno vinoonongeye Afilisti attheene, nllapo viniiphiwe oohalla attheene ayo enaakavihere mizinda wa Tiro ni Sidoni. Vawi Apwiya eneerowoononga Afilisti, attheene oohalla o echilumba ya Krete.

Yeremiya 47:1

Alla sika mawu a Apwiya yawiille wi yallotilliiwa ni namallotella Yeremiya, dda Afilisti, Farao ahinamoononge Gaza.

Yeremiya 16:1

Mawu a Apwiya yaawa wa mi wi,

Yesaya 15:2

Athu a o Diboni enawella enyumba ya milluku ddiwa ni mapurwiiwa oollapellamo yinllaka. Athu a o Mowabu eninllella muzinda wa Nebo ni wa Medeba. Orive muru woochemiwa mpala, ereru ddittheddene ddoochemiwa.

1 Mamwene 18:28

Sika anamallotella a Baalaayo yaakhuwa wunchichi, yiiremarema ni masupada ni mipeni moollikana ni ehuddihiiwa ophiyera nikhame okhuma m'makhwatanaayo.

Oweeruza 1:18

Ayuda yahaagonjihattho athu a muzinda wa Gaza ni ezigawo ddittheddene ddawaapheella, athu a muzinda wa Ashikeloni ni ezigawo ddittheddene ddawaapheella, athu a muzinda wa Ekeroni ni ezigawo ddittheddene yalamulelliiwa,

Deuteronomo 14:1

“Nyu muri athu a Apwiya Mullukwaanyu. Sika vawinllani maliro oohiiremarema apaalle wiichema vayuuchini.

Levitiko 21:5

Allupa mukutho ehicheme meehi omuruni wiwa apaalle ochema mukhwipi mwa ereru ddiwa apaallettho wiiremarema vamwiillini.

Levitiko 19:28

Muhiichekeke vamwiillini vanyu ekaamba ya muthu ookhwa apaalle opopha orive mutundu wa ehungu. Mi tti Apwiya.

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.