Yeremiya 47:4 - Mawu a Mulluku

⁴ Nllapo nineerophiya, nno vinoonongeye Afilisti attheene, nllapo viniiphiwe oohalla attheene ayo enaakavihere mizinda wa Tiro ni Sidoni. Vawi Apwiya eneerowoononga Afilisti, attheene oohalla o echilumba ya Krete.

Yeremiya 47:4 ပူးပေါင်းရင်းမြစ်များ

Amosi 9:7

Apwiya enallota wi, “Nyu Aisraele, ethiyo khamuri wonanko Akushi wa miyaano?” “Ethiyo ngihiyo mi kaakhumihalle Aisraele o Iguputo? Ngihiyo mi kaakhumihalle Afilisti o Kafitori ni Asiriya o Kiri?

Yesaya 20:6

Nllapo nenno athu ookhalla mukhwipi mwa enyanja eneerollota wi, ‘Ngoonani nnddo ddiweereyelle alle naatiyereehu ni othawellawo wi enikavihere ni onivullusa wa mwene a o Asiriya. Vano ninaavulluwe mwawiidde?’ ”

Deuteronomo 2:23

Avimu yakhalla m'mizi ddittheddene ophiya o Gaza koma ellapwiiwa yahaakhiwa ni athu oovenyera o echilumba ya Kafitori ayo yakeraattheye wenko ewoonongille Avimwaayo.)

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Ezekiele 21:29

“Nnddo enaddooniiwa m'masomphenya tti ddawoottha navettho makhanga enoombesiiwa tti oolleka. Muneerokhalla nimodda ni athu oonanara ayo nllapo niwa niphiyalle, ollakiwa wiwa woomallihella.

Ezekiele 21:25

“Vano we owaalamulella Aisraele, we ooripihiwa ni oonanara, noophiya nllapo nawo, ollakiwa wawo woomallihella.”

Ezekiele 7:12

Enthawi yoophiya, nllapo nohaatamella! Ookulla ahihakallalle, ookulliha ahimoriwe ethakaraka vawi owallaaka wohaamorella attheene moophwanaphwana.

Yeremiya 46:10

Koma nllaponno tti nllapo na Apwiya Mulluku Amasiva Mattheene, nllapo nowaahokollosella adaniiwa. Nsupada niwa nineerewoononga, nineerovona ni olezela nikhame. Apwiya Amasiva Mattheene ennavelleella mukutho, ompoto, vakhuviru ni muhinje wa Yufurate.

Masalimo 37:13

Koma Apwiya ennamuttheya oonanarooyo, vawi ennoona wi nllapo naye nawoonongeya niri vakhuviru.

Luka 21:22

Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Ezekiele 30:8

Kamushellelliha Iguputo ni owinttaka attheene oomukavihera eneerodduwella wi mi tti Apwiya.’

Ezekiele 25:16

Ekaamba ya yeella Afilistaayo kineerewaallaka ni nnatta naka. Kineerewaatthollosa Akereti ni amodda attheene ookhalla mukhwipi mwa enyanja.

Yesaya 31:8

Aasiriya eneerewoonongiwa vakhotoni ohiri ni masiva a muthu nave eneerewoonongiwa ni nsupada ohiri ni nsupada na muthu. Eneerothawa okhotoni nave asombwiiwa enaakhalle akaporo.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Yobu 9:13

Mulluku khanahokollosa owallaaye, annawoononga ayo enamukavihera Rahabu.

1 Epilli 1:12

Patirusimu, Kafitorimu ni Kasiluhimu, nikhollo na Afilisti.

Yoswa 22:30

Mullupa mukutho muullupalli Finehasi ni attekweene ayo aariiyena ayo yaari oohoollella a mabanja a Aisraele yiiwalle nnddo yallonte athu a nlloko na Rubeni, Gadi ni Manase yaahakallalla wunchichi.

Genesis 10:15

Kanani aamuyara Sidoni mwanaye awaamba ni Heti.

Yesaya 14:31

“Nyu avamullako, inllani moollipa! Nyu millako, vekani nikavihero mookhuwa! Nyu Afilisti, tthukumellani ni woova! Onani nthupi niri phellaa! Ovenyera ompoto nave va akhoto enaawaayo kheviri awoova.